Ortalyq bankte atap ótkendeı, ótimdilikti usyný boıynsha turaqty qoljetimdilik operasııalary boıynsha mólsherleme 15%-dy, al ótimdilikti alý boıynsha turaqty qoljetimdilik operasııalary boıynsha - 13%-dy quraıdy.
«Sheshim qysqa merzimdi jáne orta merzimdi perspektıvada ınflıasııa táýekelderiniń aǵymdaǵy balansyn, sondaı-aq Ulttyq Banktiń jańartylǵan boljamdaryn eskere otyryp qabyldandy. Jańa ózgerister bolmaǵan jaǵdaıda bazalyq mólsherlemeniń osy deńgeıi 2024 jylǵa qaraı ınflıasııanyń birqalypty tómendeýin qamtamasyz etedi. Aqsha-kredıt jaǵdaılaryn qalypqa keltirý 2023 jyly ınflıasııalyq prosesterdiń baıaýlaýyna qaraı júrgiziledi», delingen Ulttyq Banktiń baspasóz qyzmeti taratqan habarlamada.
Ortalyq bank sondaı-aq bazalyq mólsherleme boıynsha odan ári sheshimder ınflıasııanyń naqty dınamıkasynyń boljamdyq traektorııasyna jáne syrtqy orta men ishki ekonomıkadaǵy táýekelderdiń qalyptasqan teńgerimine sáıkes kelýine baılanysty qabyldanatynyn habarlady.
Ulttyq Banktiń aqsha-kredıt saıasaty jónindegi komıtetiniń bazalyq mólsherleme boıynsha kezekti josparly sheshimi 25 shildede Nur-Sultan ýaqyty boıynsha saǵat 15:00-de jarııalanady.
