«Buryn sottalǵan Aqtóbe qalasynyń 57 jastaǵy turǵyny 2021 jyldyń qańtarynda 7 qatysýshydan turatyn qylmystyq top qurdy. Olar Qazaqstannyń ońtústik óńirinen Aqtóbe oblysynyń aýmaǵyna asa iri mólsherde marıhýana jáne gashısh esirtki zattaryn tasymaldaýmen, saqtaýmen jáne ótkizýmen uzaq ýaqyt aınalysqan. Jedel ýákilder esirtkiniń kezekti partııasyn satý áreketi kezinde uıymdasqan qylmystyq top qatysýshylaryn ustady», dedi Aqtóbe oblysy polısııa departamenti esirtki qylmysyna qarsy is-qımyl basqarmasy bóliminiń bastyǵy Ashat Asqarov.
Uıymdasqan qylmystyq top múshelerinen zańsyz aınalymnan 25 keliden astam marıhýana, sondaı-aq 5 keliden astam gashısh esirtki zaty tárkilendi.
Qylmystyq toptyń jeti qatysýshysy sot úkimimen esirtkini asa iri mólsherde satqany úshin, uıymdasqan qylmystyq topty qurǵany jáne oǵan qatysqany úshin 15-17 jylǵa bas bostandyǵynan aıyryldy.
