Jańa zaýyttyń ónimi

Kremnıı zaýytynyń zapyrany jaıly zar qaqsap jú­r­gen tur­ǵyndar bul kásip­oryn­­nyń ashylýyn jyly qabyl­da­dy. Zaýyt­­tyń óniminen qa­ýip tóne qoı­mas dep alań­syz otyr. Ataýy da se­nim uıala­ta­­tyn sııaq­­ty. Qojaıyny «Qaz­Prom­Bezo­pas­nost PV» degen ataý beripti.

Atalǵan zaýyttyń quryly­syna 246 mln teńge jumsalǵan. Kásiporynnyń bas ınjeneri Grıgorıı Berezýs­kııdiń aıtýynsha, munda jylý almasý jabdyqtary, aýany salqyn­datý apparattary jáne artyq qysymmen jumys isteıtin qurylǵylar, kondensatorlar, krıogendik jabdyqtar, qubyr bólshekteri men qubyrdyń kóp­tegen túri, túrli metall kons­t­rýksııalary shyǵarylmaq. Munaı-gaz óndirisine arnalǵan ónimder Qytaı, Reseı, Shvesııa jáne Germanııadan ákelingen bildektermen daıyndalady.

О́ndiris orny óndiriletin taýar jelisin odan ári keńeıtýdi josparlap otyr. Sáıkesinshe, jańa jumys oryndary da ashylmaq. Búginde 40 adamǵa eki qolǵa bir kúrek tabylsa, aldaǵy ýaqytta qyzmetkerler sany 150-ge deıin jetpek.

Belgili bolǵandaı, ónimder jergilikti Pavlodar munaı-hımııa zaýytyna, ERG jáne Reseı kásiporyndarynyń jyr­ty­ǵyn jamamaq. Sondaı-aq  aýyl­dyq ákim­dikterdiń ǵıma­raty men mektepter­ge qazandar jetkizý kózdelgen.

Qazindustry Qazaq­stan­dyq ındýstrııa jáne eksport ortalyǵy» AQ táýel­siz dırektory Ersultan Bektur­ǵanov jańa kásiporynnyń ashylýy jańa jumys oryndarynyń qurylýyna, oblys pen el ekono­mıkasynyń damýyna yqpaly zor ekenin atap ótti. «Qazaqstan – munaı derjavasy, elimiz úshin mundaı kásiporyn óte qajet jáne onyń ónimderi úlken suranysqa ıe», dedi ol.

Esterińizge salsaq, sońǵy 11 jylda elimiz boıynsha jalpy somasy 10 trln 400 mlrd teńgege 1 671 jańa kásiporyn salynǵan. Qarajattyń 1 trln teńgeden astamy Pavlodar oblysyna tıesili.

Pavlodar oblysy