Aıdaı S.D.Asfendııarov atyndaǵy Qazaq ulttyq medısına ýnıversıtetiniń túlegi, mamandyǵy otbasylyq dáriger. Ol qaıyrymdylyq qyzmetti qatar alyp kele jatyr. О́nerge qyzyǵyp, sportpen aınalysady. Kúıeýi Maqsat ekeýi úsh bala tárbıelep otyr.
«Tarıhy men ómirbaıany tereńde jatqan ulttyq deńgeıdegi jobany basqarý men úshin mártebe. Shırek ǵasyrda Ulttyq sulýlyq baıqaýynyń sapasy jańa deńgeıge kóterildi. Táýelsizdik alǵan alǵashqy jyldary bul tek sulýlyq pen sán meıramy bolsa, qazirgi tańda «Qazaqstan Arýy» ózin belsendi ómirlik jáne azamattyq ustanymy bar jastar qaýymdastyǵy retinde kórsete bildi», – deıdi Aıdaı Isaeva.
«Qazaqstan Arýy» baıqaýy sońǵy jyldary «Sulýlyq meıirimdilikte» uranymen ótip júr. Qazaqstannyń túkpir-túkpirinen jınalǵan arýlar qaıyrymdylyq jáne áleýmettik aksııalarǵa qatysyp, turmysy tómen otbasylarǵa, qarttar men balalarǵa kómek berýge umtylyp keledi. Pandemııa kezinde baıqaýǵa qatysýshylar volonter retinde densaýlyq saqtaý júıesine kóp qoldaý kórsetti.
«Bizdiń baıqaý – bul Uly dala urpaǵynyń tereńdigi men danalyǵyn boıyna sińirgen sulýlyqqa degen qurmet ári mádenı murany saqtaý men kóbeıtý jónindegi josparly tynymsyz jumys», – deıdi Aıdaı Isaeva.
Aıtqandaı, aldaǵy ýaqytta baıqaýdyń jańa maýsymy bastalady, ol birneshe kezeńnen turady. El sulýlary missqazaqstan.kz resmı saıtynda onlaın-ótinim berip, onlaın-áńgimelesýden ótip, 30 qyz aqtyq synǵa joldama alǵanǵa deıin jalǵasady.
Oraıy kelip turǵanda, «Qazaqstan Arýy» ulttyq baıqaýynyń negizi 1997 jyly qalanǵanyn, buǵan deıin osy jobany basqarǵan Alena Rıvlına-Qyrbasova qamqorshylyq keńes quramynda qalǵanyn aıta ketý kerek.
«Qazaqstan Arýy» – «Ǵalam arýy» (AQSh), «Álem arýy» (Ulybrıtanııa) jáne «Jershary arýy» atty iri álemdik konkýrstardyń eksklıýzıv lısenzııalarynyń jalǵyz ıegeri.
ALMATY
