Mınıstrdiń aıtýynsha, bıyl aýa raıy dıqandar úshin byltyrǵydan qolaıly bolyp tur.
«Bıyl kóktemgi egis jumystaryn ońtaıly merzimde aıaqtadyq. Topyraqqa jınalǵan ylǵaldy saqtaý jumystardyń bári ýaqytyly, tolyqtaı atqaryldy. «Qazgıdromet» maýsym aıyna qolaıly boljam berip otyr. Osy faktorlardyń bárin eskere otyryp, bıyl astyq túsimi kópjyldyq ortasha deńgeıde bolady dep otyrmyz», dedi vedomstvo basshysy.
Onyń aıtýynsha, bıyl egis shyǵymy byltyrǵydan 15% joǵary bolýy múmkin.
«Sonyń ishinde bıdaıdyń túsimi Aýyl sharýashylyǵy mınıstrliginiń boljaýy boıynsha 13-13,5 mln tonna bolady dep josparlap otyrmyz. Maýsym aıynda kútip otyrǵan jańbyr ýaqytyly tússe, egis shyǵymy byltyrǵydan 15 paıyz joǵary bolady», dedi E.Qarashókeev.
