Ulybrıtanııa tarıhyndaǵy eń aýqymdy eksperımentke 70-ke jýyq kompanııa qatysady. Ony eńbek aqysyn joǵaltpaı qysqartylǵan jumys aptasyn jaqtaıtyn bastamashyl top uıymdastyrdy.
Eksperımentke qatysýshylar jumsalǵan ýaqyttyń 80%-y úshin jalaqysynyń 100%-yn alady, biraq olardan eńbek ónimdiliginiń artýy talap etiledi.
Tájirıbeni Oksford pen Kembrıdjdiń brıtandyq ǵalymdary jáne olardyń Bostondaǵy amerıkalyq áriptesteri Autonomy analıtıkalyq kompanııasymen birlese otyryp basqarady.
Eksperımentke qatysýǵa baǵdarlamalyq jasaqtama jasaýshylar men jumyspen qamtý keńselerinen bastap qaıyrymdylyq uıymdary men jergilikti fısh-end-chıps tamaqtaný oryndary sııaqty kóptegen kompanııalar nıet bildirgen.
Osyǵan uqsas tájirıbeler Irlandııa, AQSh, Kanada, Aýstralııa jáne Jańa Zelandııada ótkizilip jatyr.
«Qazir qatań kópjyldyq jumys tártibin ustanýdyń esh máni joq. Kez-kelgen jaǵdaıda da siz 100% ónimdilik berýińiz múmkin. Muny osyny qoldanyp jatqan kompanııalardyń tájirıbesi rastaı alady», deıdi «Jahandyq tórt kúndik jumys aptasy» jobasynyń jetekshi zertteýshisi, Boston kolledjiniń ekonomıst, áleýmettanýshysy Djýlet Shor.
Zertteýshi mundaı rejımniń bárine jáne ár mamandyqqa saı kele bermeıtinin aıtty.
