«Aýa-raıynyń qolaıly merzimin utymdy paıdalanyp, egis jumystaryn ýaqytyly jáne sapaly júrgizý – qambadaǵy mol astyqpen birge, eldiń azyq-túlik qaýipsizdiginiń de kepili. Úkimet naýqandyq jumystardy qarjylaı, materıaldyq jáne tehnıkalyq turǵyda qamtamasyz etý boıynsha barlyq qajetti sheshimderdi qabyldady. О́zderińiz biletindeı, buryn qalyptasqan tasymal baǵyttarynyń buzylýy jáne álemdik azyq-túlik naryǵynda baǵanyń ósýi tuqym men agrohımııa ónimderiniń, qosalqy bólshekter men aýyl sharýashylyǵy jabdyqtarynyń qunyn qymbattatyp jiberdi», degen Úkimet basshysy osyndaı kúrdeli kezeńde fermerlerdi qoldaý úshin bıýdjettik kredıttiń jalpy somasy 140 mlrd teńgege kóterilgenin eske saldy.
«Buǵan qosa, aýyl sharýashylyǵy ónimin forvardtyq satyp alý arqyly qarjylandyrýdy eki ese, ıaǵnı, 80 mlrd teńgege deıin ulǵaıttyq. Jalpy agroónerkásip salasyna bıýdjetti naqtylaý kezinde qosymsha 298 mlrd teńge qarjy bólindi. Dızel otynynyń qajetti kólemi naryqtyq baǵadan 10-15%-ke tómen baǵamen jetkizildi. Otandyq óndirýshilermen kelisimge kelip, mıneraldyq tyńaıtqyshtardyń baǵasy tómendetildi.
Aıta ketý kerek, bıyl agroónerkásip keshenin memlekettik qoldaý júıesi ózgergen joq. Osylaısha bıylǵy jyly fermerlerge memlekettik qoldaý kúsheıtilip, kórsetilip keledi. О́tken jyly qurǵaqshylyq bolǵanyna qaramastan, bıdaıǵa degen ishki qajettilikti tolyǵymen qamtamasyz ettik», dedi Álıhan Smaıylov Úkimet otyrysynda.
Onyń málimeti boıynsha, bıyl jańa ónimdi jınap alǵansha, elimizde jetkilikti astyq qory bar.
«Birikken Ulttar Uıymynyń naýryzdaǵy bıýlletenine sáıkes Qazaqstanda bıyl astyqtyń túsimi ortasha jyldyq kórsetkishten joǵary bolýy kerek. Orta eseppen 18-19 mln tonna astyq jınalsa, ishki qajettilik shamamen 8 mln tonnany quraıdy. Tipti qolaısyz aýa-raıy men jınalatyn ónimniń boljamy nashar bolǵan kúnniń ózinde Qazaqstan óziniń azyq-túlik qaýipsizdigin qamtamasyz ete alady», dedi Premer-Mınıstr.
