Bul týraly Jańaqala aýylyndaǵy ormanshy Serik Bakrıdenov málim etti.
- Aýylymyzda jibek qurty qaptap keti. Aǵashtardy, japyraqtardy jep jatyr. Kóp japyraqty jep qoıdy. Kóbine terek pen kókterekterdiń japyraǵyn jeýde. Bizdiń ormanshylar jerilikti ákimdikke, tıisti basqarmaǵa habarlady. Qurttardy bir apta buryn anyqtaı bastadyq. Olar úıge de, sharbaqtarǵa da shyǵyp ketedi, dedi Serik Bakrıdenov.
Grıgorevka aýyldyq okrýginiń ákimi Vıtalıı Brýskııdiń aıtýynsha, jibek qurttary aýyldaǵy jaıylmada turǵan terekter men jol shetinde ósip turǵan qaıyńdardy jeýde.
Pavlodar orman qorǵaý mekemesiniń basshysy Ajdar Júsipov qys jyly bolǵandyqtan jibek qurtynyń kóp shyqqanyn aıtty.
- Jańbyrdan keıin jańa japyraqtar ósip shyǵady. Fıtosanıtarııa qyzmeti bul jibek qurtyna qarsy óńdeý júrgizedi. Olar bizge saraptama jasap beredi. Qys jyly boldy. Sondyqtan kóp shyǵyp jatyr. Jibek qurttarynyń dernásilderi qatty aıazda ǵana óledi, dedi Ajdar Júsipov.
Respýblıkalyq fıtosanıtarlyq dıagnostıka jáne boljamdar ádistemelik ortalyǵy bul qurttardyń esh zııany joq ekenin aıtýda.
- Bul syńar jibek qurtynyń eki túri bar: karantındik sanalatyn azııalyq túri jáne karantındik sanalmaıtyn eýropalyq túri. Pavlodar oblysynda karantındik emes túri júr. Olar mamyrda paıda bolady. Qurttar eseıgen saıyn aǵashta joǵary órmeleı alady. Aýyl sharýashylyǵyna, eginge eshqandaı zııan keltirmeıdi. Qurttar qaptap ketken kezde aǵashtyń ushar basyn ǵana jeıdi. Olar jyl saıyn bolady, dedi ortalyqtaǵylar.
Atalǵan ortalyqtyń habarlaýynsha, bul qurttarǵa qatysty Reseıde PTR saraptama jasalǵan. Saraptama nátıjesi karantındik emes túri ekenin anyqtady.
Ortalyq ókili Jasulan Kenjebaev kúnde aýdandy aralap shyǵatyndaryn atap ótti. Pavlodar aýdany arqyly Tereńkól aýdanyna shyǵatyn joldyń boıynda japyraqtardyń 90 paıyzyn jep qoıǵan.
Jańaaýyl orman sharýashylyǵynyń ormanshysy Valerıı Zorıchevtiń aıtýynsha, Jańaqaladan bólek Nabarejnoe aýylynda da jibek qurttary qaptaǵan. Sondaı-aq Chernoıarsk, Mıchýrın, Chernoresk aýyldarynda azdaǵan jibek qurttary anyqtalǵan.
