Zań tujyrymdamasynyń jobasy talqylandy

Jumys toby Qazaqstan Prezıdenti­niń 2020 jylǵy 24 qarashadaǵy №456 Jar­lyǵymen qurylǵan saıası qýǵyn-súrgin qurbandaryn tolyq ońal­tý jó­nindegi memlekettik komıssııa qyz­metiniń sheń­berinde qurylǵan. Onyń quramyna mem­lekettik komıssııa mú­she­­leri, kór­nekti ǵalym-zańgerler, Parlament depý­tattary, sondaı-aq Pre­zıdent Ákim­shiliginiń, Bas proký­ratý­ranyń, Ádilet jáne Ishki ister mınıs­trliginiń jaýapty qyzmetkerleri kiredi.

Jumys tobynyń mindeti-saıası qý­ǵyn-súrgin qurbandaryn aqtaý máse­le­leri boıynsha sapaly jańa zańdar ázirleý.

Memlekettik komıssııanyń jumysy barysynda muraǵat materıaldaryn zerdeleý, quqyq qoldaný praktıkasy, ulttyq zańnamany jáne sheteldik táji­rıbeni taldaý qorytyndylary boıynsha birqatar problema anyqtaldy, sonyń saldarynan Qazaqstan úshin erekshe qurbandardyń birqatar sanatty qoldanystaǵy zańǵa engizilmegen jáne aqtalmaǵan.

Zań jobalary sheńberinde olardy sheshý úshin zańnamalyq kedergilerdi joıý josparlanýda.

Jumys tobynyń birinshi otyrysynda saıası qýǵyn-súrgin qurbandaryn tolyq aqtaý týraly zań tujyrymdamasynyń jobasy talqylandy.

Atap aıtqanda, tolyq zańdy aqtaý máselelerin qaraý, saıası qýǵyn-súr­gin­derden zardap shekkenderdiń sanat­taryn jáne olardy aıqyndaý tásil­derin ke­ńeı­tý, ońaltý rásimderin jeńil­detý, ońal­týdyń tutas júıesin ınstıtý­sıo­naldyq nyǵaıtý jáne qurý josparlanýda.

Sonymen qatar otyrysta bir­qatar basqa da ǵylymı-teorııa­lyq, zań shy­ǵarýshylyq jáne uıymdastyrýshylyq máseleler talqylandy.

Memleket basshysynyń tapsyrma­syn oryndaý boıynsha jumystar jal­ǵasýda.