Bul týraly Nur-Sultan qalalyq polısııa departamentinen málimdedi. Sonymen qatar kámeletke tolmaǵandardyń túngi ýaqytta oıyn-saýyq mekemelerinde bolǵany, temeki ónimderin paıdalanǵany, ákimshilik qadaǵalaýdy buzǵany jáne kólik quraldarynyń qozǵalysyna kedergi keltirgeni úshin ákimshilik jaza qoldaný jónindegi ókilettikteri keńeıdi.
«Bul ýchaskelik ınspektorǵa óz ýchaskesinde kóbirek bolýǵa jáne turǵyndarmen alańsyz jumys isteýge múmkindik beredi. Ýchaskelik ınspektordyń jumysyna PIK, JIB, jurtshylyq ókilderin profılaktıkaǵa tartý, sondaı-aq turǵyndarmen áleýmettik jelilerde toptar qurý úlken demeý boldy, sonyń arqasynda azamattar óz polıseılerin tanı bastady», delingen vedomstvonyń habarlamasynda.
Onda jazylǵandaı, Esil aýdanynyń ýchaskelik polısııa ınspektorlary jalpy 671 topqa tirkelgen. Onyń ishinde jeke sektordaǵy úılerde turatyn 83 myńnan astam azamat tirkelgen 24 top bar. WhatsApp messendjeri arqyly quqyq buzýshylyqtardyń, bótenniń múlkin urlaýdyń, sondaı-aq ınternet alaıaqtyqtyń aldyn alý boıynsha aqparattar turaqty negizde ornalastyrylady.
«Bıyldyqqa toptardaǵy turǵyndardan 482 habarlama tústi. Azamattar kóbinese tynyshtyqty buzý, qoǵamdyq oryndardyń lastanýy, ıtterdi serýendetý jáne kólik quraldaryn qoıý erejelerin buzý máselelerimen shaǵymdanady. Ýchaskelik ınspektorlarǵa jedel jáne ýaqytyly kómek kórsetkeni úshin alǵys aıtatyn turǵyndar men qonaqtar da kóp. Instagram jelisindegi @police_esil_nur_sultan paraqshasyna jyl basynan beri halyqtan 300-den astam alǵys jazylǵan», dep málimdedi departamentten.
