О́ńir kásipkerleri ózderiniń quqyqtarynyń buzylýy jáne júıeli problemalyq máseleleri boıynsha bıznes-ombýdsmenge tikeleı júgindi. Máselelerdiń edáýir bóligi kásipkerlerdiń salyq organdarymen ózara qarym-qatynasyna baılanysty ekenin atap ótken jón. Máselen, «Aqjar О́ndiris» JShS basshysy Gúlzıra Qazylova bıyl 12 qańtarda Reseıden sepkish-kýltıvator satyp alyp, taýarlardy ákelý jáne janama salyqtardy tóleý týraly ótinishti ýaqytynda usynǵan. Bul jabdyq eseptilikti tapsyrý sátinde qosylǵan qun salyǵyn esepke jatqyzý ádisimen tólenetin ımporttalatyn taýarlar tizbesine kirgen. О́tinishti salyq organdary tekserip, sáıkesinshe rastaǵan. «Aqjar О́ndiris» JShS-de salyq eseptiligin qabyldaý jáne janama salyqtardy tóleý faktisin rastaý týraly 2 naýryzda berilgen habarlama da bar. Iаǵnı agrofırma adal salyq tóleýshi retinde bıýdjet jáne el zańnamasy aldyndaǵy óz mindettemelerin tolyq oryndady. Biraq №31 buıryqpen qosylǵan qun salyǵyn esepke jatqyzý ádisimen tólenetin ımporttalatyn taýarlardyń tizbesi keıinnen jańa mátinmen baıandalǵan. Mundaı buıryq alǵashqy resmı jarııalanǵan kúnnen keıin kúntizbelik on kún ótken soń qoldanysqa engiziledi (resmı jarııalanǵan kúni – 2022 jyldyń 6 sáýiri) jáne 2022 jyldyń 1 qańtarynan bastap týyndaǵan quqyqtyq qatynastarǵa qoldanylady, sondyqtan kompanııa Úkimettiń osy sheshimimen kelispeıdi.
R.Júrsinov atalǵan qaýly boıynsha kóptegen másele týyndaǵanyn aıtty.
– Biz bul máseleni respýblıkalyq deńgeıde kóteremiz. Meniń oıymsha, shıkilikter bar. Máseleni baqylaýǵa alamyz, – dedi R.Júrsinov.
Al jeke kásipker Sergeı Bart ádilet organdarynyń jumysyna qatysty máseleni kóterdi. Ol 2010 jyly saýda-sattyqta bankten jyljymaıtyn múlikterdi, atap aıtqanda turmystyq ǵımarat, ótkizý ǵımaraty, qoımalar, birneshe jer telimderi men jer telimin jalǵa alý quqyǵyn satyp alǵanyn aıtty. Atalǵan múlikter qoǵamdyq saýda-sattyqqa shyǵarylǵan eken. Jarııa saýda-sattyqtyń jeńimpazy bolyp Sergeı Bart tanylǵan. Biraq kásipker 2010 jyldyń 25 tamyzynda ótken jarııa saýda-sattyqtyń jeńimpazy bola tura, áli kúnge deıin satyp alynǵan jyljymaıtyn múlikti birqatar sebep boıynsha tirkeýshi organda tirkeı almaı otyr. Ádilet departamenti men bank satyp alynǵan jyljymaıtyn múliktiń aýmaǵyn durys kórsetpegen bolyp shyqty. Saldarynan bıznesmen satyp alynǵan bazany 12 jyldan beri rásimdeı almaı keledi.
– Meniń oıymsha, mundaı jaǵdaı ádilet organdarynyń qyzmetkerleri óz jumysyna salǵyrt qaraǵanynan týyndap otyr. Bul úshin jaýapkershilikke tartý qajet. Men oblys prokýrorynan osyndaı máseleni sheshýge qatysýdy suraımyn jáne oblys ákimine de habarlaý qajet, bulaı jumys isteýge bolmaıdy. Jalpy, kásipkerler memlekettik organdar tarapynan oryn alatyn shaǵymdaný, tekserý máselesin jıi kóterdi. Biz kásipkerler úshin sottarǵa qatysyp, keıbir máselelerge qatysty shaǵymdaný qajet degen sheshim qabyldadyq, – dedi R.Júrsinov.
Bıznesmenderdi qabyldaý barysynda onǵa jýyq jeke kásipker Qazaqstan kásipkerleriniń quqyqtaryn qorǵaý jónindegi ýákilge oblystyń memlekettik kirister organdary eki obektige bir lısenzııa berilgeni úshin aıyppul men ósimpul esepteý jóninde habarlama jibergeni týraly aıtty. «Jańa Salyq kodeksi boıynsha árbir obektige jeke lısenzııa beriledi, alaıda osy obektilerge lısenzııa alǵan kezde bir ǵana lısenzııa úlestirilgen bolatyn. Lısenzııaǵa qosymsha qujat berildi, qosymshada birneshe obektiniń mekenjaıy kórsetildi», degen kásipkerler Zańnyń keri kúshi joq ekenin jáne ýákiletti organnyń talaptary zańsyz ekenin eske salady.
«Lısenzııalanǵan qyzmet túrleri úshin alym tóleý – bul endi buryn-sońdy bolmaǵan oqıǵa!» degen Rýstam Júrsinov tańdanysyn jasyrmady. Ol osy jáne ózge de problemalardy respýblıkalyq deńgeıde kóterýge ýáde berdi. О́z kezeginde kásipkerler mundaı paıdaly jıyndardy jıi ótkizýge ótinish bildirdi.
Pavlodar oblysy
