JAŃA...

...aýdan ákimderi taǵaıyndaldy Oblystyń úsh aýdanynyń ákimderi aýysty. Buǵan deıin oblys ákimi apparaty jetek­shisi­niń orynbasary bolǵan Mádı Eleýsizov  Qarǵaly aýdanynyń tizginin ustady. Ol eńbek jolyn ekonomıstikten bastap, kedenshi, aýdan ákiminiń orynbasary qyzmetterin atqarǵan. Qarǵaly aýdanynyń burynǵy ákimi  Muhtar Jumaǵazıev endi Oıyl aýdanyn  basqaratyn bol­dy. “Qobda” keńsharynda zooteh­nık, partkom hatshysy, aýpart­kom­nyń bólim meńgerýshisi, aýdan­dyq aýyl sharýashylyǵy basqar­masy bastyǵynyń birinshi oryn­basary, Qobda, Isataı jáne Qar­ǵaly aýdandarynyń ákimi bolǵan ol tájirıbeli basshy. Al onyń ornyna Qarǵaly aýdanynyń ákimi bolyp taǵaıyn­dal­ǵan Aıbek Saǵıev buǵan deıin  “Batys” óńiraralyq memlekettik múlik jáne jekeshelendirý depar­tamentiniń dırektory laýazymdy qyzmetin atqaryp keldi. Eńbek jolyn jumysshylyqtan bastaǵan ol Aqtóbe oblysy boıynsha qazynashylyq basqarmasy men Aqtóbe aýmaqtyq memlekettik múlik jáne jekeshelendirý komı­tetinde túrli qyzmetter atqardy. Satybaldy SÁÝIRBAI, Aqtóbe oblysy. ...balabaqsha ashyldy Oblys ákimi B.Qýandyqov Qyzylorda qalasynda jańadan ashylǵan “Alpamys” balabaq­sha­synda bolyp, onyń jumysymen tanysty. Jańa tıpti 140 oryndyq bala­baqshanyń jalpy quny 194 mln. teńgeni quraıdy. Bas merdiger – “Energııa” qurylys kompanııasy. Jańa balabaqshada balǵyndar 8 top boıynsha tárbıelenedi. Bul balabaqshanyń ózgelerden erekshe­ligi sol – munda 1-2 jas araly­ǵyn­daǵy sábılerdi qamtıtyn erte jastaǵy balalar toby da bar. Son­daı-aq, orta jáne mektepaldy daıar­lyq toptary da jumys isteıdi. Jańa tıptegi ǵımaratta bal­ǵyn­dardyń jan-jaqty tárbıe alýlaryna barynsha jaǵdaı jasalǵan. Erkin ÁBIL, QYZYLORDA. ...maýsymdaǵy Ile — Balqash regatasy Jer jánnaty Jetisýdaǵy kók­temgi mereıdiń biri Qapshaǵaıdaǵy Tańbaly tasta ótetin dástúrli Ile-Balqash regatasynyń  ashy­lýy boldy. Oblys ákimdigi, Týrızm jáne sport mınıstrligi men Tabıǵat qorǵaý qoǵamy qolǵa alǵan shara bıyl onynshy márte jalǵasty. Oǵan qatysatyndar qatary molaıyp, regatanyń halyqqa keńinen tanylýymen elimizdegi sý-ózen týrızminiń damyp, qalyptasa bastaǵany baıqalady. Atalǵan merekede sý sportyn, sý týrızmin damytýǵa arnalyp qasıetti Tańbaly tastyń quz-jartastarynda alpınıster saıysynyń básekesi qyzdy. Naǵyz erjúrek “muzbalaqtar” óz sheberligimen tánti etse, jalpy sharaǵa 50-den astam komanda qatysty. Olar eskekti qaıyqpen, baıdarkalarmen, katamaran, sal jáne jelkendi qaıyqpen teńiz betine iz qaldyryp, ózara tartysty jarysqa tústi. Birneshe kúnge sozylǵan saltanat jańa maýsymda taǵy bir qyrynan kórinse, ulttyq ónerimiz – kókparǵa túsken saıypqyran jigitterdiń eptiligine de jınalǵan qaýym rıza boldy. Kúmisjan BAIJAN, Almaty oblysy.