Jastar jumysqa ornalasty

Jastar arasyndaǵy jumys­syzdyq qoǵamdaǵy qany shy­ǵyp turǵan máseleniń biri. Ju­mys tájirıbesi az nemese múl­de bolmaǵandyqtan talaby joǵary, talǵamy kúshti eńbek naryǵynda óz ornyn taýyp, bolashaǵyn baǵamdaý da ońaı sharýa emes. Jumyssyzdyqtyń paıda bolý sebepterin sál ǵana taldap kóre­likshi. Eń aldymen, joǵary oqý oryndary men kásiptik bilim berý salasy naryqtyń qatal zańyna tolyq jaýap beretin kásibı mamandar daıarlaý jumysyn shıratý kerek. Kásiptik bilim salasynda qajetti ınfraqurylymnyń jutańdyǵy da janǵa batady. Mine, osydan baryp jas­tar arasyndaǵy jumyssyzdyq ósýde. Aýyldan kelgen jastar ká­sibı bilimi bol­maǵandyqtan, qara jumysqa ǵana jaraıdy. Sharýaǵa shırap, shynyqpaǵan jastar atan túıege júk bolatyn aýyr jumysqa shydaı almaı, betteri qaıtyp jatatyn jaı da az emes. Osynyń barlyǵy tu­tastaı alǵanda túıtkildi má­seleniń túıinin jýandata túsýde. Demek aldymen, kásibı bilim berý deńgeıin kóterýimiz kerek. Eńbekke tárbıeleý, jumys istetip daǵdylandyrý jaıy da kókeıde júrgeni lázim.

Bos jumys oryndary jár­meńkesin uıymdastyrýdaǵy bas­ty maqsat – jastardy tu­raqty jáne ýaqytsha jumys­pen qam­tamasyz etý. Qamtamasyz etilse, olardyń áleýmettik-tur­mystyq máselesi de bir­tindep sheshilip qalmaq. Biz­diń kózqarasymyzda jastar­dyń ózderi de belsendi bolýy kerek sııaqty. Osyndaı jár­meńkelerdiń ótetindigi týraly kúni buryn qulaq­tan­dyryl­ǵanymen, yntaly jas­tardyń qatary sırek. Máselen, bul jolǵy jármeńkede otyzdan astam ju­mys berýshi 200-ge jýyq bos jumys ornyn usyn­dy. Elýge jýyq adam aýyzsha synaqtan sátti ótip, jumysqa ornalasý múm­kindigine ıe boldy.

Bir kúnde birjola sheshile qalatyn másele emes. Jastardyń ózderi de jumys isteımin dep umtylý qajet. Ol úshin belgili bir kásipti túbegeıli ıgerip ári sol mamandyqtyń maıtalmany bolsa ǵana juldyzy janbaq.

KО́KShETAÝ