«Qar barysynyń urǵashysy jáne onyń bir jasar alany «Kólsaı kólderi» ulttyq tabıǵı parkiniń beınetuzaǵyna ilindi. «Qyzyl kitapqa» engen janýar buǵan deıin de fototuzaqqa birneshe ret túsken bolatyn», delingen Orman sharýashylyǵy jáne janýarlar dúnıesi komıtetiniń habarlamasynda.
Naýryz aıynda Shymbulaq taý-shańǵy kýrortynda qar barysy taý etegine túsken bolatyn. Buǵan deıin taýdan túsken ilbisti Kerbulaq turǵyndary tabıǵı ortasyna qaıtarýǵa sebepshi bolǵan edi. Ilbis (qar barysy) Úkimettiń 2006 jylǵy 31 qazandaǵy №1034 qaýlysy boıynsha sırek kezdesetin jáne quryp ketý qaýpi tónip turǵan janýarlardyń tizimine engizilgen.
