«Sáýir-mamyr aılarynda júrgizilgen PTR skrınınginiń nátıjeleri boıynsha koronavırýs ınfeksııasynyń ártúrli shtamdarynyń aınalymy anyqtaldy. Barlyq óńirlerde BA.1 «Omıkron» shtamy – 98,6%, onyń ishinde 12 óńirde BA.2 «Stels-Omıkron» – 36,7%, B.1.617-Delta – 1,4% anyqtaldy. PTR skrınınginiń nátıjelerin rastaý úshin tolyq genomdy sekvenırleý júrgizildi. Júrgizilgen tolyq genomdy sekvenırleý nátıjesi boıynsha BA.2 «Stels-Omıkron» shtamynyń – 93,8% (Aqtóbe, Almaty, Atyraý, Shyǵys Qazaqstan, Qyzylorda, Qostanaı, Qaraǵandy, Mańǵystaý, Pavlodar, Soltústik Qazaqstan oblystary, Almaty jáne Nur-Sultan qalalary), BA.1 «Omıkron» shtamynyń – 6,2% (Atyraý, Qyzylorda, Qaraǵandy oblystary, Almaty jáne Nur-Sultan qalalary) aınalymy anyqtaldy», delingen habarlamada.
Epıdemıologııalyq jaǵdaıdyń turaqtanýyna qaramastan, mınıstrlik koronavırýs ınfeksııasyna qarsy ýaqtyly vaksınasııadan, revaksınasııadan ótýge keńes beredi.
Qazirgi ýaqytta Qazaqstanda KVI-ǵa qarsy vaksınasııalaý jáne revaksınasııalaý úshin vaksınanyń 3 túri bar (Pfaızer, Sınofarm jáne KazVak), onyń ishinde 2-eýin Dúnıejúzilik densaýlyq saqtaý uıymy maquldaǵan.
