Nurlan Oralbekuly – Aqmola óńiriniń týmasy. Eńbek jolyn Qazaqstan Respýblıkasynyń memlekettik qarjylyq baqylaý organdarynda bastady. Mınıstrlikter men vedomstvolarda, kommersııalyq uıymdarda qyzmet etti.
2006 jyldan bastap QR Prezıdentiniń Is basqarmasy júıesinde laýazymdy qyzmetter atqardy.
2019 jyldyń shilde aıynan beri Qazaqstan men Reseı arasynda saýda-ekonomıkalyq yntymaqtastyqty nyǵaıtýǵa atsalysty. Ol basshylyq etken jyldary Saýda ókildigi Qazaqstan men Reseı arasynda aıtarlyqtaı oń nátıjelerge qol jetkizildi.
«Qazaqstan Respýblıkasynyń Reseı Federasııasyndaǵy Saýda ókildigi 9 maýsymda uzaqqa sozylǵan dertten QR-nyń Reseı Federasııasyndaǵy Saýda ókili Borambaev Nurlan Oralbekuly 52 jasqa qaraǵan shaǵynda dúnıeden ótkenin qaıǵyra habarlaıdy. Nurlan Oralbekuly – tájirıbeli maman, paıym-parasaty bıik bilikti basshy. О́mirlik ustanymy, myzǵymas moraldyq-etıkalyq qaǵıdasy bar tulǵa. Qazaqstan Respýblıkasynyń Reseı Federasııasyndaǵy Elshiligi, eki eldiń saýda jáne ıntegrasııa mınıstrlikterindegi áriptesteriniń aldynda bet-bedeli bıik, abyroıy asqaq. Ol qaramaǵyndaǵy qyzmetkerlerge laıyqty basshy bola bilgen, jany jaısań azamat. Marqumnyń otbasyna, jaqyndary men týǵan-týystaryna qaıǵyra kóńil aıtamyz. Aldy peıish, arty kenish bolsyn. Artynda qalǵan urpaǵyna amandyq tileımiz», dep jazylǵan vedomstvo habarlamasynda.
