«2022 jylǵy 8 maýsymda Nur-Sultan qalasynyń mamandandyrylǵan aýdanaralyq tergeý soty kúdikti Boranbaevqa qatysty qamaýǵa alý túrindegi sanksııalanǵan bultartpaý sharasynyń merzimin 1 aıǵa uzartty», dedi elordalyq sottyń baspasóz qyzmeti ókilderi.
Osy kúni mamandandyrylǵan aýdanaralyq tergeý soty Qaırat Satybaldyulyn qamaýǵa alý merzimin bir aıǵa uzartty, al odan bir kún buryn, 2022 jyldyń 7 maýsymynda kúdikti Qaırat Satybaldyulynyń burynǵy áıeli Gúlmıra Satybaldyǵa qatysty qamaýǵa alý merzimi uzarǵan.
Eske salaıyq, 13 naýryzda Sybaılas jemqorlyqqa qarsy qyzmet «Qazaqtelekom» AQ-tyń laýazymdyq ókilettikterin asyra paıdalaný jáne qarajatyn asa iri mólsherde urlaý deregi boıynsha qylmystyq isti tergep jatqanyn habarlaǵan bolatyn. Bul qylmystardy jasady degen kúdikpen Qaırat Satybaldyuly ustalyp, ýaqytsha ustaý ızolıatoryna qamaldy.
