Astanalyq májiliste ne talqylanady?

Astanada alǵash ret ótkeli otyrǵan Azııa damý banki basqarýshylar keńesiniń májilisinde jol máselesine mán berilmek. Al onyń negizgi taqyryby «Jańa Jibek joly – ózgermeli álemdegi Azııany Eýropamen biriktirý» dep atalyp otyr. Keshe Ortalyq kommýnıkasııalar qyzmetindegi brıfıngte osy májilis jaıynda aıtyldy. Oǵan «Ekonomıkalyq zertteý­ler ınstıtýty» AQ basqarma tóraǵasy Maqsat Muqanov, Azııa damý bankiniń jyl saıynǵy májilisiniń úılestirýshisi Djıl Drılon jáne Ekonomıka jáne bıýdjetti josparlaý mı­nıstrliginiń ınvestısııalyq saıasat departamenti dırektorynyń oryn­basary Almas Baıtenov qa­tysty. Azııa damý banki basqarýshylar keńesiniń 47-shi jyl saıynǵy má­ji­lisi aldaǵy 2-5 mamyr aralyǵynda ótedi. Oǵan Qazaqstan atynan basqarýshy – Ekonomıka jáne bıýdjettik josparlaý mınıstri Erbolat Dosaev tóraǵalyq etpek. Sharaǵa quramynda Azııa damý bankine múshe-elderden bas­qa­rýshylar, qarjy mı­nıs­tr­leri, iri halyqaralyq bank­ter je­tek­shileri, qarjylyq uıym­dar­dyń, memlekettik jáne mem­le­kettik emes, basqa da uıym­dardyń jetekshi mamandary bar, barlyǵy 3500-den 5000-ǵa deıin adam qa­tysady dep kútilýde. Májilis taqyrybynyń jol máselesine arnalýyna Qazaq­stannyń tarıhı Jibek jolynda ornalasýy basty sebep bolyp otyr. Al ADB jobalarynyń biri «Batys Eýropa – Batys Qytaı» jobasyn qarjylandyrý bolyp tabylady. Bul joba Qazaqstannyń ońtústik oblystarynan ótedi, sondyqtan aımaqtyń kólik joldaryn damytýǵa jáne tek Eýropanyń emes, sondaı-aq Azııanyń da úlken naryǵyna shyǵýǵa múmkindik bermek. Eske sala ketsek, 2013 jyly ADB Qazaqstanmen yntymaqtastyq aıasynda Azııa damý qoryna donorlyq kómek retinde 5 mıllıon dollardan astam qarajat bólgen. «Otyrys barysynda 25-ke jýyq iri sharalar, pikirtalastar ótedi. Bul otyrystyń ereksheligi munda alǵash ret «jasyl ekonomıka» qaǵıdasyn negizge alyp otyrmyz. Aıta ketetin taǵy bir jaıt, qazirgi kezde Qazaqstan tehnıkalyq qaıtarymsyz kómek alýshy ǵana emes, kerisinshe, damýshy elderge járdemdesý boıynsha Azııa damý bankiniń áriptesi bolýǵa nıetti», dedi brıfıng barysynda «Ekonomıkalyq zertteýler ınstıtýty» AQ basqarma tóraǵasy M.Muqanov. Sondaı-aq, ol májilis aıasynda saıasatkerler, bıznesmender, Eýropadan jáne Ortalyq Azııa aımaqtarynyń qarjylyq ınstıtýttarynan kelgen ókilderge Qazaqstan ekonomıkasyna salynǵan ınvestısııalar máselesin talqylaýǵa múmkindik beretin «Invest in Kazakhstan» halyqaralyq ınvestısııalyq konferensııasy uıymdastyrylatynyn málimdedi. Iаǵnı Qazaqstannyń zamanaýı ınvestısııalyq klımaty da aıryqsha nazarda bolady. Dınara BITIKOVA, «Egemen Qazaqstan».