JÚZ OTBASY QÝANYShY

Kóz qorqaq, qol batyr. О́ıt­keni, jumyla atqarylǵan jumys barysynda Qyzylaǵashtyń keshegisi men búgingisin salystyrýǵa bol­maı­dy. Aýyldaǵy jańa kósheler, kóz qy­zyqtyrǵan saltanatty úıler qa­ta­ry kún sanap boı kóterýde. Tas­qynnan keıingi abyrjyǵan halyq erteńine senimsizdik tanytyp, qyn­jylǵanyn, “qalaı bolar eken?” degen kúdikti janarlaryn kórgen edik. Mine, ýaqyt bárin óz ornyna qoıyp, turǵyndardyń júzderine kúl­ki úıirildi. Jańarǵan eldi me­kenniń erteńine degen senimderin nyǵaıtty. Kimmen pikirlesseńiz de Mem­leket basshysynan bastap, júregi jyly, jany jomart jandardyń qamqorlyǵyn sezingenderin aıtady. Basqa túsken aýyrtpalyqty jumy­la kótergende jeńildeıtinin sezindi. Osylaısha mamyr merekesin jańa qonysta qarsy alǵan 45 otbasynyń qataryna jańa shańyraqty ıelen­gen 100 otbasy qosyldy. Sársenbiniń sátinde Qy­zylaǵash aýylyndaǵy jıynda oblys ákimi Serik Úmbetov jańa úılerge qo­nys­tanatyndardy quttyqtady. – Eki aıdyń aralyǵynda bas­tan biraz jaıt ótti. Sizderdiń qabaq­taryńyz shytylǵanda biz de birge qınaldyq. Búgin júzderińizdegi jyly shyraıdy kórip, qýanyp tur­myn. Birtindep áleýmettik máse­leler sheshimin tabýda. Buǵan deıin túsken hattar renishpen bastalsa, endi halyqtyń Elbasyna degen alǵysymen órbıdi. Bireý senip, bireý senbeıtin qysqa merzimde aýyl túrlendi. Búgin 100 otbasy ja­ńa úıleriniń tabaldyryǵyn atta­ǵa­ly tur. Jańa shańyraqtaǵy ómir­le­rińiz shattyq pen qýanyshta bol­syn. Maýsym aıynyń basynda taǵy da 200 otbasy úılerine qo­nystanady. Shildege deıin qurylys jumystaryn aıaqtap, sodan soń ba­lalardy mektepke daıyndap, basqa da jumystar jalǵastyrylady, – dedi. Budan keıin sharýa qojaly­ǵy­nyń jetekshisi Qydyrhan Ábıev, ba­tyr ana Gúljahan Uzaqova sóı­le­di. Ásirese, 13 balany ómirge ákel­gen Gúljahan apaıdyń sózi jı­nalǵandarǵa oı salyp, mándiligimen erekshelendi. – Aq kóńilmen appaq úıge kirip otyrmyz. Marqum joldasym ekeýimiz 1961 jyldary Qytaıdan ata-jurt dep ańsap kelgende mundaı jaǵdaı bolmady. Bir otar qoıdy sanap alyp, alys qystaýda bala-shaǵany ómirge ákelip, bel sheship eńbek ettik. Qazirgi jaǵ­daıdy ol kezben salystyra almaı­myz. Bul birinshiden, Allanyń, sodan soń Elbasynyń arqasy. Osyndaǵy oblys basshysynyń kún-tún demeı jumysty uıym­dastyrýdaǵy eńbeginiń nátıjesi. Egin salynyp, azyq-túlik, kıim-keshek berilip jatyr. Soǵan qa­naǵat etý kerek. Ana retinde aıtarym – birlik, yntymaq bolsa, qalǵanynyń orny tolady. Qıyndyq ótedi, ketedi, dedi. Alǵashqy úıdiń kiltin Bazarkúl Erǵaraeva aldy. Ol ózen jaǵa­syn­daǵy birinshi úıde turǵanyn, sol kúni balalarynyń perishtesi qa­ǵyp, aman qalǵanyn aıtty. Otbasynda jeti jan. Búgin as úı jıhazdarymen qatar gaz, ydys-aıaq, kórpe-jastyq, tórt tósekpen jabdyqtalǵan jańa úıdiń kiltin aldym. Budan artyq qandaı qam­qorlyq bolsyn. “Almaty qala qu­rylysy” kompanııasynyń qury­lys­shylarynyń qol-aıaǵyna dert bermesin, dedi tebirenip. Sondaı-aq, Tilesh Jarqynbaeva, taǵy da basqa otbasylarynyń qýanyshyna ortaqtastyq. Buǵan deıin aýylda 12 kóshe bolsa, búginde eki kóshege ósip, 14 kóshe bolypty. Aýyl ákimdigi eldi mekende kóp jyl mal sharýa­shy­lyǵynda eńbek etken Lenın orde­niniń ıegeri, marqum Nurqasym Sydyqovtyń atyna kóshe beripti. Uly Jeńistiń 65 jyldyǵy qur­metine oraı Jeńis kóshesi dańqty qolbasshy, halyq qaharmany, Keńes Odaǵynyń Batyry, jazýshy Baýyrjan Momyshulyna, Sadovaıa kóshesi kórnekti memleket jáne qoǵam qaıratkeri Dinmuhamed Qonaev esimderimen jáne Voronın kóshesi Jaısań degen jańa ataýǵa ıe bolyp, turǵyndar tilegi oryn­dalǵan. Oblys ákimi bastaǵan top budan keıin jańa úılerdiń kiltin alǵan ardaqty ana Kúlimhan Ábıeva, Gúljahan Uzaqova, Vla­dımır Zaısev, taǵy basqalar shańy­raqtaryna kirip, qutty bolsyn aı­typ, jaǵdaılaryn kórdi. Tabal­dyryq attaǵannan-aq jaryq, keń bólmelerdegi úı jıhazdary sán-sal­tanatty tolyqtyra túsken. Úlken de, bala da qýanyp, máre-sáre. Qarǵaly shuǵa kombı­na­ty­nyń túıe júninen jasalǵan kórpe­leri men Belorýstyń as úı jı­hazy, tósekteri, ústel-oryndyq­tary tap-tuınaqtaı. Jańanyń aty jańa ǵoı, bári jarasym tapqan. Shatyrly qalashyqtaǵy qy­zyl­aǵashtyqtar aldynda “Jas qa­nat” jáne “Azııa daýysy” fes­tıvaldarynyń laýreaty, jas ánshi Gúlnur Orazymbetova ánnen shashý shashty. Kúmisjan BAIJAN,Almaty oblysy.