Sportty damytý dıreksııasynyń baspasóz qyzmeti taratqan aqparat boıynsha, chempıonattyń alǵashqy kúni qylyshtasý básekesinde otandasymyz Artem Sarkısıan araǵa 17 jyl salyp qola medal jeńip aldy. Bul synda Qazaqstan quramasynyń sportshylary eń sońǵy ret 2005 jyly Malaızııada ótken Azııa chempıonatynda úzdik úshtiktiń qatarynan kóringen edi. Iаǵnı sol jyly Igor Sel de qola medal ıelengen bolatyn.
Jalpy, Seýlde erler arasynda barlyǵy 62 sportshy qylyshtasty. Artem irikteýde 3 jekpe-jekte jeńiske jetip, 1/64-ke joldama aldy. Sosyn 1/32 aınalymda ırandyq Alı Pakdamandy 15-9 esebimen utsa, keıin qytaılyq Sıao Lınnen basym tústi – 15-14. 1/8 fınalda otandasymyz qarsylasyn dál sondaı eseppen jeńip (15-14), úzdikter qataryna qosyldy. Jartylaı fınalda alań ıesi Ký Bon Gılge 10-15 esebimen ese jiberip, qola júldeni qanaǵat tutty.
