Tólebı aýdandyq polısııa bólimine aýyl turǵyndarynyń birinen habarlama kelip túsken. Áıel adam onda óz tanysynyń esirtkige uqsas ósimdik ósiretindigi týraly aıtqan.
Atalǵan jaıtty polısııa qyzmetkerleri QR QK-niń 300-baby (Quramynda esirtki zattar bar, ósirýge tyıym salynǵan ósimdikterdi zańsyz egip-ósirý) boıynsha tirkeýge aldy.
Osy jaıtqa baılanysty aýdandyq polısııa qyzmetkerlerinen jedel tergeý toby quryldy. Olar kúdikke ilingen azamattyń jeke basyn anyqtap, turǵylyqty mekenjaıyna shyqty. Polıseıler onyń úıin tintý kezinde aýlasynda ósip turǵan esirtkige uqsas ósimdikti tapty. Polıseıler ony aıǵaqty zat retinde tárkilep, saraptamaǵa joldady.
Saraptama qorytyndysyna sáıkes, atalǵan ósimdikter sora esirtki zaty dep anyqtaldy. Qazir kúdiktige qatysty tergeý amaldary júrgizilip jatyr. Oqıǵanyń tolyq mán-jaıy anyqtalýda.
Aıana Toǵanbek
