Tórt qubylamyzdy teń eter jyldyń tórt mezgiliniń tóresi – kóktem aıy – Naýryz – tamyryn tereńnen tartqan, bereke men tatýlyqtyń, tazalyq pen izgiliktiń tuǵyryn nyǵaıtatyn, jańashyldyqtyń, izgiliktiń belgisi. Keshe osynaý jyl basy – áz Naýryzdy Qazaq ulttyq agrarlyq ýnıversıtetiniń ujymy da keń kólemde saltanatty túrde atap ótti. «Naýryz – jańarý merekesi!» atty dýmanǵa ýnıversıtet ustazdary, stýdentterimen qatar sheteldik qonaqtar, esimderi elge belgili ǵalymdar, ǵylymı-zertteý ınstıtýttary basshylary men óndiris pen sharýashylyq jetekshileri, qoǵam qaıratkerleri, qalamgerler men óner maıtalmandary qatysyp, birge toılady.
Bul kúni oqý ornynyń bas ǵımaratynyń aldy ádettegiden erekshe kúıge endi. Jaǵalaı kıiz úıler tigilip, aıshyqty bezendirilgen. Kúmbirlegen kúı men qazaqy áýezdi áýen Almaty aspanynda áýelep turdy. Naýryz toıynyń shymyldyǵyn ýnıversıtettiń halyq aspaptar ansambli «Ata tolǵaýy» kúıimen ashsa, «Tabıǵattyń oıanýy» qoıylymy men el birligin, berekesin, tynyshtyǵyn tilegen Qydyr atanyń batasy da jınalǵan qaýymnyń eńsesin bir kóterip tastady.
– Ata-babalarymyz san ǵasyr armandaǵan azattyq pen erkindik búgingi urpaqtyń enshisine tıdi, – dedi Qazaq ulttyq agrarlyq ýnıversıtetiniń rektory, akademık Tilektes Espolov saltanatty jıyndy ashyp. Táýelsizdik – biz úshin eń qasıetti qundylyq. Osy qundylyq arqyly bizge tól dástúrimiz, mádenıetimiz ben tilimiz, eń asyl merekemiz naýryz toıy qaıta oraldy. Búginde egemendigimizdiń arqasynda elimiz eleýli jetistikterge jetip, bıik belesterdi baǵyndyrdy. Elbasymyz Nursultan Nazarbaevtyń salıqaly saıasatynyń nátıjesinde qazirgi Qazaqstan búkil álem moıyndaǵan memleketke aınaldy. Qazaq ulttyq agrarlyq ýnıversıteti bul kúnderi agrarlyq sala mamandyqtary boıynsha respýblıkalyq oqý-ádisteme ortalyǵy, úzdiksiz agrarlyq bilim berýdi damytý, fermerlerdiń biliktiligin arttyrý ortalyǵy, akademııalyq utqyrlyqty damytý boıynsha úılestirýshi bolyp tabylady. Sondaı-aq, ýnıversıtet álemniń 300-den astam agrarlyq joǵary oqý oryndaryn biriktiretin Jahandyq konsorsıým múshesi. Buǵan qosa quramyna «QazAgro» ulttyq holdıngi, QR Áleýmettik-kásipkerlik korporasııasy, ulttyq, transulttyq kompanııalar kiretin Agrarlyq ǵylymı-óndiristik konsorsıýmy qurylǵan. Bul rette ýnıversıtetimiz jańǵyrtý, ınnovasııa, ǵylym men óndiristiń ıntegrasııasy jáne halyqtyń ál-aýqaty syndy memleket anyqtap bergen tórt baǵytty ustanýda.
Naýryz toıynda oqý ornynyń janynan qurylǵan «Gúlbaný» án-bı ansambli men talantty ustazdar men oqytýshylar da ónerlerin ortaǵa saldy. Buǵan qosa eń dámdi naýryz kóje daıyndap, ulttyq kıimderdiń ozyq úlgisin kórsetken fakýltetter men ýnıversıtettiń ózge de qurylymdyq bólimshelerine tıisti dárejedegi marapattar men baǵaly syılyqtar tabys etildi. Mereke barysynda qonaqtar arnaıy tigilgen qazaqı úıler men aq dastarqan basynda ýnıversıtet ujymy ázirlegen naýryz kójeden dám tatty.
Gúlzeınep SÁDIRQYZY,
«Egemen Qazaqstan».
–––––––––––––
Sýretti túsirgen M.Botabekov.
Bul kúni oqý ornynyń bas ǵımaratynyń aldy ádettegiden erekshe kúıge endi. Jaǵalaı kıiz úıler tigilip, aıshyqty bezendirilgen. Kúmbirlegen kúı men qazaqy áýezdi áýen Almaty aspanynda áýelep turdy. Naýryz toıynyń shymyldyǵyn ýnıversıtettiń halyq aspaptar ansambli «Ata tolǵaýy» kúıimen ashsa, «Tabıǵattyń oıanýy» qoıylymy men el birligin, berekesin, tynyshtyǵyn tilegen Qydyr atanyń batasy da jınalǵan qaýymnyń eńsesin bir kóterip tastady.
– Ata-babalarymyz san ǵasyr armandaǵan azattyq pen erkindik búgingi urpaqtyń enshisine tıdi, – dedi Qazaq ulttyq agrarlyq ýnıversıtetiniń rektory, akademık Tilektes Espolov saltanatty jıyndy ashyp. Táýelsizdik – biz úshin eń qasıetti qundylyq. Osy qundylyq arqyly bizge tól dástúrimiz, mádenıetimiz ben tilimiz, eń asyl merekemiz naýryz toıy qaıta oraldy. Búginde egemendigimizdiń arqasynda elimiz eleýli jetistikterge jetip, bıik belesterdi baǵyndyrdy. Elbasymyz Nursultan Nazarbaevtyń salıqaly saıasatynyń nátıjesinde qazirgi Qazaqstan búkil álem moıyndaǵan memleketke aınaldy. Qazaq ulttyq agrarlyq ýnıversıteti bul kúnderi agrarlyq sala mamandyqtary boıynsha respýblıkalyq oqý-ádisteme ortalyǵy, úzdiksiz agrarlyq bilim berýdi damytý, fermerlerdiń biliktiligin arttyrý ortalyǵy, akademııalyq utqyrlyqty damytý boıynsha úılestirýshi bolyp tabylady. Sondaı-aq, ýnıversıtet álemniń 300-den astam agrarlyq joǵary oqý oryndaryn biriktiretin Jahandyq konsorsıým múshesi. Buǵan qosa quramyna «QazAgro» ulttyq holdıngi, QR Áleýmettik-kásipkerlik korporasııasy, ulttyq, transulttyq kompanııalar kiretin Agrarlyq ǵylymı-óndiristik konsorsıýmy qurylǵan. Bul rette ýnıversıtetimiz jańǵyrtý, ınnovasııa, ǵylym men óndiristiń ıntegrasııasy jáne halyqtyń ál-aýqaty syndy memleket anyqtap bergen tórt baǵytty ustanýda.
Naýryz toıynda oqý ornynyń janynan qurylǵan «Gúlbaný» án-bı ansambli men talantty ustazdar men oqytýshylar da ónerlerin ortaǵa saldy. Buǵan qosa eń dámdi naýryz kóje daıyndap, ulttyq kıimderdiń ozyq úlgisin kórsetken fakýltetter men ýnıversıtettiń ózge de qurylymdyq bólimshelerine tıisti dárejedegi marapattar men baǵaly syılyqtar tabys etildi. Mereke barysynda qonaqtar arnaıy tigilgen qazaqı úıler men aq dastarqan basynda ýnıversıtet ujymy ázirlegen naýryz kójeden dám tatty.
Gúlzeınep SÁDIRQYZY,
«Egemen Qazaqstan».
–––––––––––––
Sýretti túsirgen M.Botabekov.
