Shymkent PD tergeý basqarmasynyń bastyǵy Dáýletkeldi Abdramanov brıfıngte jergilikti turǵyn polısııaǵa aryz jazǵanyn aıtty.
Ol óziniń eski jıhazyn satý týraly jarnamany ınternette ornalastyrǵanyn habarlady.
Jábirlenýshiniń messendjeri arqyly bireýdiń jıhaz satyp alǵysy keletini týraly habarlama kelip túsken. Budan soń, ol silteme boıynsha ótip, kýrerlik jetkizý tapsyrysyn rastaýdy suraǵan. Áıel jalǵan satyp alýshynyń nusqaýlaryna súıene otyryp, saıt suraǵan bank kartasynyń derektemelerin engizgen. Sodan keıin onyń shotynan 950 myń teńge joǵalyp ketken. Al onlaın suhbattasýshy ony messendjerde buǵattap tastaǵan.
Aryz boıynsha QR QK 190-baby «Alaıaqtyq» boıynsha qylmystyq is tirkeldi.
«Kıberqylmyskerlerdi anyqtaý úshin jedel ýákilder birqatar izdestirý sharasyn júrgizdi, nátıjesinde eki jigit ustaldy. Tintý kezinde kúdiktilerden alty uıaly telefon men 21 SIM-karta tárkilendi», dedi Dáýletkeldi Ábdiramanov.
Tergeý nátıjeleri kórsetkendeı, ustalǵandardyń osyǵan uqsas taǵy 17 qylmysqa qatysy bar.
