Robert Iýksel Iyldyrym Qasym-Jomart Toqaevqa Jambyl oblysy Sarysý aýdanyndaǵy kalsıı qosylǵan soda shyǵaratyn zaýyt qurylysynyń barysy týraly málimet berdi. Jobanyń quny – 400 mıllıon dollar.
Sonymen qatar túrik kásipkeri Memleket basshysyna Aqtóbe oblysyndaǵy «Voshod» ken ornynda hrom konsentratyn óndirýge jáne ónim shyǵarýǵa qatysty ınvestısııalyq jobanyń júzege asyrylýy, elimizdiń birqatar óńirinde qatty paıdaly qazbalardy barlaý jónindegi «Qazgeologııa» aksıonerlik qoǵamymen birlesken jumystary týraly aıtty.
Kezdesý sońynda Qasym-Jomart Toqaev Túrkııamen ózara tıimdi yntymaqtastyqty nyǵaıtý mańyzdy ekenin atap ótip, kompanııanyń elimizdegi ınvestısııalyq jumystaryn qoldaıtynyn jetkizdi.
