Al Dańq zalynda, Uly Otan soǵysynyń batyry Aqádil Sýhanbaevqa panorama jasalsa, Mádenıet jáne óner zalynda Baızaq aýdanynan shyqqan qazaqtyń mańdaıaldy azamattary, ǵylym, bilim, sport, óner salasyna eńbegi sińgen, memlekettik mártebege ıe bolǵan qaıratkerlerdiń ómir tarıhy, fotosýretteri, shyǵarmalary ornalasqan.
Ústimizdegi jyldyń alǵashqy toqsanynda mýzeı tarapynan uıymdastyrylǵan ekskýrsııa sany 13-ke jetse, leksııalar sany 9-dy qurady. 8 kórme ótkizilip, oǵan qatysýshylar 370 adamdy qurasa, mýzeı qoryna esepke alynatyn eksponattar sany 15-ke jetti.
«Murajaıy men muraǵaty bar el – keleshegin oılaǵan el», – deıdi. Osydan birneshe jyl buryn elimizde bastaý alǵan «Aýyl – el besigi» jobasy aıasynda 3 mln 372 myń teńgege mýzeı ǵımaratyna qosymsha eki bólme salynyp berildi. Mekeme aldy abattandyrylyp, arba men dıirmen tastar, balbaltastar qoıyldy. Kórnekilik quraldary – «laıtboks», stela ilinip, aýdan ortalyǵynyń ajaryn asha tústi. Sonymen qatar mýzeıdegi jádigerlerge QR-kod ornatylǵan.
Bul degenimiz, mýzeıge kelýshiler budan bylaı planshet, smartfon, aıfon sekildi gadjetterdegi arnaıy baǵdarlamany skanerlep, qazaq, orys tilderinde jádigerler jaıly tolyq maǵlumat ala alady. Al jýyrda mýzeıimizde jaǵymdy jańalyq boldy. Bizde endi «aýdıogıd» qyzmeti jumys isteıdi. Iаǵnı kelýshiler óz qalaýy boıynsha aýdıogıd qyzmetine júgine otyryp, mýzeı ishin aralaýlaryna bolady. Munymen qosa «Baızaq baba», «Aısha bıbi», «Qarahan baba», «Tekturmas» keseneleriniń shaǵyn maketterin jasattyq.
Sonymen qatar osy salada tájirıbeleri bar ardager aǵa-apalarymyz Ábýtálip Kóshbaev, Tamara Mıramova, D.Tólepbergenov jáne ókinishke qaraı jaqynda ǵana aramyzdan ketken, jaqsy azamat Sapar Qalmuratovtyń eńbegi zor. Mine, sol kisilerdiń izin jalǵaı mýzeıimizde bilikti mamandar Tóle Narjanov, Sanııa Mekemtasqyzy, Aıdana Shotbasova, Aınagúl Mamytbekova, Jamal Abdrahmanova eleýli eńbek etip keledi. Sonymen qatar jyl saıyn «Mýzeıge syı» aksııasyn uıymdastyryp, osynyń negizinde turǵyndar ózderi kelip, jádigerlerin tapsyryp jatyr. Osy rette, aksııaǵa qoldaý kórsetken, atap aıtqanda, Zátekúl Moldabaeva, Serik Balabekov, Maratbaı О́skenbaıuly, Aıat Ábildaev, Gúlnaz Álimqulova, Tóljan Rahmanov syndy mýzeı janashyrlaryna shynaıy alǵysymyzdy bildiremiz.
О́ser NURBAEV,
Baızaq aýdandyq tarıhı-ólketaný mýzeıiniń dırektory
Jambyl oblysy
