Oblystyq tótenshe jaǵdaılar departamentiniń málimetinshe, qaıǵyly oqıǵa ótken demalys kúnderi Qaraǵandy oblysynyń Osakarov aýdanynda bolǵan. Osy aýdanǵa qarasty Esil aýylynan 1 shaqyrym jerde jergilikti turǵyndar Esil ózenine batyp ketken 2001 jylǵy jigittiń denesin sýdan alyp shyqqan.
Bul jer shomylýǵa arnalmaǵanyn aıta ketý kerek. Osyǵan oraı tótenshe jaǵdaılar departamenti shomylý maýsymynda qaıǵyly jaǵdaılardyń aldyn alý úshin birqatar aqyl-keńes usynady.
«Ruqsat etilgen jerlerde ǵana shomylýǵa bolady. Úrlemeli qaıyqpen jaǵadan alys júzip ketpeńiz, olarda aqaý bolýy múmkin, al bul tipti jaqsy júze biletinder úshin de óte qaýipti. О́tip bara jatqan kemelerge qaraı júzbeńiz, jalpy býıkadan aspaǵan durys. Daýyldy aýa raıynda nemese qatty jel soǵyp turǵan jerlerde shomylýǵa bolmaıdy», dep eskertedi qutqarýshylar.
Aıana Toǵanbek
