Ekvador aqparat quraldarynyń habarlaýynsha, el prezıdenti Gılermo Lassonyń sheshimderine narazylyq bildirgen sherýshiler tańerteń Chımborazo, Kotopaksı, Pastasa, Napo jáne Týnkýragýa provınsııalarynda joldardy jaýyp tastaǵan.
Ekvadordyń baıyrǵy halyqtary konfederasııasynyń (CONAIE) basshysy Leonıdas Iza úkimet talaptardy oryndaýdan bas tartqan jaǵdaıda eldegi eń iri úndi uıymy jalpy ereýil jarııalaýǵa daıyn ekenin málimdedi.
Onyń aıtýynsha, úkimetke on talap joldanǵan.
«Úkimet HVQ-nyń emes, halyqtyń talabyn oryndaýy kerek. Halyq bıliktiń óz ustanymyn tańý áreketin qabyldamaıdy», dedi ol.
Sherýshiler el astanasy Kıtoǵa aparatyn joldardy ýaqytsha jaýyp tastady. Narazylyq aksııalaryna 53-ten astam ÚEU qatysty.
Ekvadorda úkimetke qarsy aksııalar ótken jyldyń sońynda bastalǵan edi.
Eske salsaq, byltyrǵy 27-28 qazanda úkimet pen prezıdent rezıdensııasy – Karondele saraıyna júzdegen demonstranttar jınalǵan bolatyn. Tártipsizdikter kezinde segiz polıseı jaralandy, 37 adam ustaldy.
