Oblystyq polısııa departamentiniń baspasóz qyzmeti habarlaǵandaı, órt jol qozǵalysyna kedergi keltirgendikten, avtokólikter toqtatylǵan.
«Artynsha saǵat 03:40 kezinde janyp jatqan tirkemege 550-600 metr jetpeı, DAF júk kóligi jolda bir baǵytta toqtap turǵan 10 kólikti qaǵyp ketti. Onyń ishinde eki jolaýshylar avtobýsy, eki «Toıota Kamrı», «Aýdı 100», «Shevrole Kobalt», «Daımler Kraısler», BMW X5, «Toıota Alfard», «Audi 80» jeńil kólikteri boldy. Soqtyǵys saldarynan 4 avtokólik órtenip ketken. «Toıota Kamrı» avtokóliginiń jolaýshysy oqıǵa ornynda qaıtys boldy. Taǵy 9 adam túrli jaraqattarmen qalalyq aýrýhanaǵa jetkizildi. Onyń ishinde 3 adam reanımasııa bólimine jatqyzyldy», dedi vedomstvo ókili.
Atalǵan fakt boıynsha QK 345-baby 3-bóligi boıynsha sotqa deıingi tergeý bastalyp, qajetti saraptamalar taǵaıyndaldy.
Jambyl oblysy ákimdiginiń densaýlyq saqtaý basqarmasy 12 adamnyń zardap shekkenin habarlady. Onyń ekeýi jolda ótip bara jatqan avtokólikpen Jýaly aýdandyq aýrýhanasyna, 10-y Taraz qalalyq kópbeıindi aýrýhanasyna jatqyzyldy.
«Jýaly aýdandyq ortalyq aýrýhanasynyń jetkizilgen 2 adamǵa medısınalyq kómek kórsetilip, úılerine jiberildi. Al qalalyq kópbeıindi aýrýhanasyna túsken 10 adamnyń 3-eýi О́zbekstan azamattary. Zardap shekkenderdiń ishinen 5 naýqas aýrýhanaǵa jatqyzyldy. 4-eýi – reanımasııa bólimshesine, 1 azamat – travmotologııa bólimshesine jiberildi. 5 naýqas ambýlatorlyq em qabyldaýǵa úılerine qaıtaryldy», dedi basqarmanyń baspasóz qyzmetkeri Tolqyn О́mirbaeva.
