Nur-Sultan qalasy tilderdi damytý jáne arhıv isi basqarmasynyń basshysy Sáken Esirkep otyrys barysynda jasaǵan baıandamada máslıhat depýtattaryn bul bastamany qoldaýǵa shaqyrdy.
«Bıyl 28 sáýirde qalalyq onomastıka komıssııasynyń kezekti otyrysy ótti. Sol jerde elordanyń birqatar bilim mekemesine ataý berý máselesi talqylandy. Atap aıtqanda №1 qalalyq mektep lıseıge Keńes Odaǵynyń eki márte batyry Talǵat Bıgeldınovtiń esimin berý, №70 mektep lıseıge kórnekti memleket jáne qoǵam qaıratkeri Temirbek Júrgenovtiń esimin berý, №92 mektep lıseıge geologııa-mınerologııa ǵylymynyń doktory, professor, Qazaqstan ǵylym akademııasynyń alǵashqy quryltaıshylarynyń biri Aqjan Ál-Mashanıdiń esimin berý, №65 mektep gımnazııaǵa aqyn, jazýshy Maǵjan Jumabaevtyń esimin berý, №88 mektep lıseıge belgili aqyn Qadyr Myrza Áliniń esimin berýdi jáne №1 óner mektebine belgili kúıshi Táttimbet Qazanǵapulynyń esimin berýdi sizderdiń nazaryńyzǵa usynyp otyrmyz», dedi Sáken Esirkep.
