Tasbaqalar tajaldan aman qaldy

Urlyqtyń shegi joq jáne urlanbaıtyn eshteńe de qalmady. О́ıtkeni, qazir jyl­­­ty­raǵannyń da, jybyr­la­ǵan­nyń da bári urylardyń qoltyǵynda ketedi. Al urylardyń kóbeıýine dem beretinder de, qoltyǵyna sý búrkýshiler de óte kóp. Sonyń bir dálelindeı, Saryaǵash shekara jasaǵy tosyn urlyqtyń ústinen tústi. Olar «Keles – Saryaǵash» baǵytyndaǵy poıyzdyń júk vagonyn tekserý kezinde  jalpy salmaǵy 280 kılogramm tartatyn, ıaǵnı anaý-mynaý emes, úsh sentnerge jýyq tasbaqalardy tapty. Erkindiktiń ózinde aqyryn basyp, jaıbaraqat ómir súretin qaıran tasbaqalar jeti qapqa nyǵyzdalyp salynǵandyqtan tunshyǵyp qala jazdapty. Tek qaptyń aýzyn ashqanda ǵana dúnıeniń jaryǵy men bir jutym aýanyń samalynan jybyrlap sala berdi. Sóıtip, shekara qyzmetkerleriniń arqasynda sýyq qoldy suǵanaqtardyń qolynan sytylyp, qaıta keńdikke shyqqan tasbaqalar, áıteýir bir tús kórip ótkendeı, aman-esen erkindikke attandy. Aleksandr TASBOLATOV, «Egemen Qazaqstan».