Onyń aıtýynsha, «aldymen ekonomıka - sodan soń saıasat» formýlasy toqsanynshy jyldardyń basynda óte paıdaly boldy.
«Adamdardyń azamattyq belsendiligin arttyrý úshin saıası ózgerister jasaýymyz kerek ekenin túsindim. Bul qoǵamnyń úlken suranysy boldy», dedi Qasym-Jomart Toqaev.
Sondaı-aq ol Qazaqstanda úlken saıası reformalar bastalǵanyn aıtty.
«2019 jyly biz beıbit jınalystar týraly zańdy ázirleýge kiristik. Sodan soń, áıelder úshin 30% kvota engizildi. Parlamenttik reforma bastalyp, referendým ótkizildi. Bul - saıası qurylymdy ózgertý maqsatynda bastalǵan naýqan. Men órkenıetti prezıdenttik júıege kóshýdi qajet dep sanadym. Onda yqpaldy Parlament tıisti oryn alady, atqarýshy bılik óz rólin atqarady jáne Parlament óz halqy aldynda tolyq esep beredi», deı kele Prezıdent tómengi palataǵa kelesi saılaý múldem jańa erejeler boıynsha ótetinin sóz etti.
