Jarystyń birinshi raketkasy retinde tirkelgen qazaqstandyq tennısshi reseılik Anastasııa Tıhonovamen birge bastapqy kezdesýin ıspanııalyqtar – Aınoa Atýcha-Gomes pen Karmen Gallardo Gevaramen ótkizdi. Qazaqstandyq-reseılik jup 57 mınýtqa sozylǵan matchta 6:2, 6:3 esebimen jeńiske jetti. A.Danılına men A.Tıhonova júlde qory 60 myń AQSh dollaryna baǵalanǵan jarystyń jartylaı fınalyna shyǵý úshin bolgarııalyqtar – Aleksa jáne Lııa Karatanchevalarmen kezdesedi.
Taǵy bir qazaqstandyq tennısshi Tımofeı Skatov Blýa (Fransııa) chellendjer týrnıriniń ekinshi aınalymynda osy jarystyń jetinshi, álemniń 184-raketkasy serbııalyq Nıkola Mıloevıchpen kezdesedi. Birinshi aınalymda ol argentınalyq Fakýndo Dıas Akostany 6:4, 7:6 (7:2) esebimen tize búktirdi.
