Senatordyń aıtýynsha, memlekettik menshiktiń naryqtyq baǵadan 15 ese tómen baǵamen jeke menshigine ótken faktiler tirkelgen. Depýtattyń narazylyǵy jekeshelendirýdiń maqsaty men 2021-2025 jyldarǵa arnalǵan jekeshelendirýdiń keshendi josparynyń jumysy ekonomıkalyq paıda alý bolýy kerek edi degenge negizdelgen.
«Esep komıtetiniń derekterine sáıkes 2021 jyldyń qorytyndysy boıynsha quny naryqtyq baǵadan 21%-ǵa tómen 218 obekt satyldy. Naryqtyq quny - 74,3 mlrd teńge, satý quny - 59 mlrd teńge. Birqatar óńirler boıynsha satý qunyn aıtarlyqtaı tómendetý faktileri baıqalady. Máselen, Jambyl oblysynda naryqtyq quny men satý quny arasyndaǵy aıyrmashylyq 15 ese. Almaty qalasy boıynsha - 3,2 ese, Almaty oblysy boıynsha - 2,4 ese», dep narazylyǵyn bildirdi senator.
Senator kvazımemlekettik sektor nysandaryn satýda da osyndaı faktiler bar ekenin basa aıtty. Depýtat bul jaǵdaı jekeshelendirý úderisiniń tómen tıimdiligin kórsetetinin eskerip, mınıstrler kabınetiniń múshelerinen osy jaǵdaıǵa nazar aýdarýdy surady.
Aıana Toǵanbek
