Nıý-Iorktegi BUUDB Atqarýshy agenttiginiń keńesshisi Derek Paıper, BUUDB Eýropa jáne TMD boıynsha óńirlik bıýrosy dırektorynyń orynbasary Marına Ýolter men BUUDB-nyń Qazaqstandaǵy Turaqty ókili Iаkýp Berısh qatysqan kezdesý barysynda BUUDB-nyń Qazaqstandaǵy qyzmeti aıasynda yntymaqtastyqtyń keń aýqymdy máseleleri talqylandy.
Álıhan Smaıylov óz sózinde Qazaqstan 1992 jylǵy 2 naýryzda, táýelsizdik alǵannan keıin kóp uzamaı BUU-ǵa múshe bop kirgenin eske saldy.
«Sodan beri biz BUU-nyń qoldaýyn udaıy sezinip kelemiz, al onyń jahandyq saıasaty men baǵdarlamalaryna qatysý – Qazaqstannyń syrtqy saıasattaǵy basymdyqtarynyń biri», dedi QR Premer-Mınıstri.
Úkimet basshysynyń aıtýynsha, BUUDB-nyń Qazaqstandaǵy qyzmeti aıtarlyqtaı dárejede qorshaǵan ortany qorǵaýǵa baǵyttalǵan. Osylaısha, agenttiktiń qatysýymen jáne qoldaýymen Qyzylorda jáne Shyǵys Qazaqstan oblystarynda tabıǵatty qorǵaý jobalary iske asyryldy, sondaı-aq jalpy aýdany 2 mln gektardan astam alty erekshe qorǵalatyn tabıǵı aýmaq quryldy.
Premer-Mınıstr Qazaqstan BUUDB-nyń 2021-2025 jyldarǵa arnalǵan jańa Eldik baǵdarlamasyn qoldaıtynyn atap ótti.
«Baǵdarlama «Jańa Qazaqstan» tujyrymdamasy aıasynda Prezıdent Qasym-Jomart Toqaev aıqyndap bergen eldegi júrgizilip jatqan aýqymdy saıası jáne ekonomıkalyq reformalar turǵysynda ózekti bolyp tabylady», dedi Álıhan Smaıylov.
О́z kezeginde Ýsha Rao-Monarı BUU-nyń Qazaqstannyń turaqty damýyna qoldaý kórsetýge daıyn ekenin rastady.
«TDM-ǵa qol jetkizý damý jolyn túbegeıli ózgertýdi talap etedi. 2030 jylǵa deıin bar-joǵy segiz jyl ishinde damýdy qalpyna keltirip, alǵa jyljý úshin kóp kúsh-jiger salýymyz kerek. Bul úshin adamdarǵa ınvestısııalar salý, áleýmettik qorǵaýdy jetildirý, sapaly bilim berýdi qamtamasyz etý, laıyqty jumys oryndaryn qurý, jańartylatyn energııa kózderine kóshý jáne barlyǵy úshin sıfrlandyrýdy qamtamasyz etý qajet. Mundaı batyl áreketter TDM qarjylandyrý júıesin qaıta qarastyrýǵa alyp keledi», dedi Ýsha Rao-Monarın.
Kezdesý qorytyndysy boıynsha QR UEM men BUUDB arasynda Turaqty damý maqsattary salasyndaǵy 2030 jylǵa deıingi kún tártibin jáne BUUDB-nyń 2021-2025 jyldarǵa arnalǵan Eldik baǵdarlamasyn iske asyrý aıasyndaǵy nıetter týraly hattamaǵa qol qoıyldy, ol Qazaqstan men BUUDB arasyndaǵy yntymaqtastyqty odan ári keńeıtýge yqpal etetin bolady.
Aıana Toǵanbek
