Yqpaldastyq forýmy

Keshe Qazaqstan Respýblıkasy Ulttyq ǵylym akademııasynda osy mekemeniń uıymdastyrýymen Shanhaı yntymaqtastyq uıymyna (ShYU) múshe elder Ǵylym akademııalary assosıasııasynyń IV forýmy óz jumysyn bastady. Keńesti Qazaqstan Respýblıkasy Ulttyq ǵylym akademııasynyń prezıdenti Murat Jurynov qysqasha kirispe sózben ashyp, Bilim jáne ǵylym mınıstri A.Sárinjipovtiń quttyqtaýyn oqyp berdi. Forým keńesine Qytaı Ǵylym akademııasynyń vıse-prezıdenti Jang Iаnıng, Reseı Ǵylym akademııasynyń vıse-prezıdenti Valentın Sergıenko, Tájikstan Ǵylym akademııasynyń vıse-prezıdenti Mýhıba Iаkýbova, Qyrǵyzstan Ǵylym akademııasynyń vıse-prezıdenti Almaz Aldashev óz respýblıkalarynyń delegasııalaryn basqaryp keldi. Forýmda Shanhaı yntymaqtastyq uıymyna múshe elderdiń ǵylymı-tehnıkalyq yntymaqtastyǵyn keńeıtý jáne atalǵan máseleler boıynsha usynystar daıyndaý josparlanǵan. ShYU barlyq elderdiń ǵylymı-tehnıkalyq áleýetine súıene otyryp, ınnovasııalyq damý men básekege qabilettilikti kóterýdegi ǵylymı ekonomıkany damytý jolynda ǵylymı-zertteý nátıjesindegi joǵary múmkindikti praktıkalyq iske asyrýdyń tamasha múmkindigine ıe bolyp otyr. Osy yntymaqtastyq uıymyna múshe elderdiń ǵylymı jáne ǵylymı-tehnıkalyq yntymaqtastyǵyn keńeıtý jáne jetildirý – búgingi kúnniń talaby. Forýmda qaralatyn máseleler ǵylymnyń ártúrli salasy boıynsha júrgiziledi. Keńeste 2 plenarlyq sessııa ótkizý josparlanǵan. Birinshi sessııada delegasııa basshylary sóılep, forýmǵa qatysýshylarǵa Shanhaı yntymaqtastyq uıymynyń qazirgi jaı-kúıi men bolashaǵy týraly habarlaıdy. Birigip ótkizý týraly naqty usynystar men olardy júzege asyratyn jobalar tujyrymdalady. Sonymen qatar, Qytaı Ǵylym akademııasynyń, Reseı Ǵylym akademııasynyń, Qyrǵyzstan Ǵylym akademııasynyń, Tájikstan Ǵylym akademııasynyń, Reseı Ǵylym akademııasy Sibir bólimshesiniń baıandamalary tyńdalady. Keńes sessııasynda Qazaqstan Res­pýb­lıkasy Ulttyq ǵylym akademııasy jetekshi ınstıtýttarynyń dırektorlary hımııalyq tehnologııalar, nanotehnologııalar, geolo­gııa, metallýrgııa sııaqty basymdy ǵylymı baǵyttar boıynsha zertteýlerdi birigip júrgizý týraly naqty usynystarynan habardar etedi. Forýmǵa qatysýshylar baıan­damalar men pikirtalastardyń qorytyndysy boıynsha deklarasııa qabyldaıdy. Deklarasııada ǵylymı-tehnıkalyq yntymaqtastyqty Shanhaı yntymaqtastyq uıymyna múshe elderdiń ǵylymı-tehnıkalyq yntymaqtastyǵynyń jaı-kúıine baǵa berilip, basym salalar boıynsha birigip jasalǵan zertteýler men naqty usynystar anyqtalady jáne ShYU-ǵa múshe elderdiń ǵylymı-tehnıkalyq yntymaqtastyǵyn jaqsartý qajettigi tujyrymdalady. Sharafaddın ÁMIROV, «Egemen Qazaqstan». ALMATY.