AÝYL ShARÝAShYLYǴYN QOLDAÝ QADAMDARY

Aqtóbe oblysyna “QazAgro” AQ basqarma tóraǵasy Asyljan Mamytbekov bastaǵan delegasııa keldi. Onyń quramynda “Mal ónimderi” AQ tóraǵasy Aleksandr Solovev, “QazAgro” AQ basqarma tóraǵasynyń keńesshisi Tobylbek Omarov, “Agrarlyq nesıe korporasııasy” AQ prezıdenti Dáýrenbek Omarov, “QazAgro Qarjy” AQ basqarma tóraǵasy Dýlat Aıtjanov bar. Olardyń qatysýmen ob­lys­tyq ákimdikte májilis ótti. Oǵan aýyl sharýashylyǵynda ınvestısııalyq  jobalardy júzege asyryp jatqan jáne aldaǵy ýaqytta jańa joba­lardy qolǵa alýǵa talaptanyp júrgen bıznes, sondaı-aq, osy salaǵa qatysy bar qury­lym­dar ókilderi shaqyryldy. Ony oblys ákiminiń birinshi oryn­ba­sary Izbaq О́mirzaqov júr­gizdi. Májiliste sóz alǵan “Qaz­Agro” AQ basqarma tór­aǵasy Asyljan Mamytbekov delegasııanyń jumys sapary­nyń maqsaty Qazaqstannyń 2010-2014 jyldarǵa arnalǵan ındýstrııalandyrý kartasyna engen ınvestısııalyq joba­lar­dyń júzege asyrylý ba­rysyn baqylaý, jańa ın­vestısııalyq  jobalardyń  ótinimderin osy jerde naqty qarap, ózderine qatysty suraqtarǵa jaýap berý ekenin jetkizdi. Sondaı-aq, oblysta memlekettiń qatysýymen jú­zege asyrylyp jatqan úsh iri joba bar ekenine toqtaldy. Onyń aıtýynsha, úsh joba da bıyl paıdalanýǵa beriledi eken. Osy jobalardyń biri – “Parıj Kommýnasy” JShS-niń 40 myń shoshqalyq “Besta­maq” mal sharýashylyǵy ke­she­ni jylyna 2000 tonna et óndirýge múmkindik beretin kórinedi. Jalpy quny 2,3 mlrd. teńge turatyn bul keshen iske qosylǵanda 171 jańa ju­mys orny ashylady. Al “AIS” JShS-niń 1200 sıyr­lyq taýar­ly-sút fermasynda jylyna 7200 tonna sút ón­dirilmek. Bul jobaǵa 2665,8 mln. teńge ınvestısııa saly­nypty. “IzetGrenhaýze” JShS-iniń  jylyjaıy iske qosyl­ǵan­da jylyna 1200 tonna kókónis óndirilip, 32 adam jumysqa ornalasady. Budan basqa oblysta jalpy quny 1,2 mlrd. teńge turatyn tórt ınvestısııalyq joba júzege asyrylýda. Onyń úsheýi qazirdiń ózinde paıdalanýǵa berilgen. Holdıng ótken jyly Aqtóbe oblysynyń agrarlyq sektoryna 5,5 mlrd. teńge qarjy salypty. Ol sondaı-aq,  jobalardy qabyldaýdyń biraz jeńildetil­genin málimdedi. Jańa jobany usynýǵa nebári segiz qujat qana kerek eken. Holdıng bıznes-jospardy jasap berýge de daıyn kórinedi. Alaıda, kepil­siz eshqandaı nesıe berilmeı­tinin qadap aıtty. Sondyqtan birden iri jobalar usynbaı, múmkindigiń jetetin­deı is bastaý tıimdi ekenin  eske saldy. Holdıngtiń jerdi, sondaı-aq tozyǵy jetken teh­nıkalardy da kepilge alyp otyr­ǵanyn aýyl sharýa­shy­ly­ǵyna qoldaý kórsetý dep baǵalady. О́zara súraq-jaýap túrinde ótken májiliske qatysýshylar “QazAgro” ulttyq basqarý hol­dıngi” AQ arqyly qarjy­landyrylýdyń joldary men sharttary boıynsha mol maǵ­lu­mat aldy. Jalpy, “Qaz­Agro” kompanııasy toby ar­qyly elimizdiń agrarlyq sektoryn qoldaýǵa byltyr  220,9  mlrd. teńge bólinipti. Delegasııa oblystaǵy osy holdıng arqyly qarjylan­dy­rylyp, júzege asyrylyp jat­qan birqatar aýylsharýa­shy­lyq kásiporyndaryn aralap kórdi. Satybaldy SÁÝIRBAI, Aqtóbe oblysy.