«Arshaly aýdany Jibek Joly aýylyndaǵy demalys aımaǵynda 2010 jyly týǵan qyz sýǵa batyp ketti. Al Astrahan aýdanynda, Pervomaıka aýylynyń mańynda, Esil ózeninde 6 jáne 9 jastaǵy eki kámeletke tolmaǵan bala sýǵa batty», delingen oblystyq TJD baspasóz qyzmeti taratqan habarlamada.
Aıta ketsek, shomylý maýsymy bastalǵanǵa deıin Aqmola oblysy TJD JQB qyzmetkerleri sý aıdyndaryna tekserý júrgizdi. Zertteý nátıjesi boıynsha Jibek Joly aýylyndaǵy sý qoımasynyń túbi sýǵa shomylýǵa jaramsyz ekeni anyqtaldy.
Jyly aýa raıyna qaramastan, sý temperatýrasy áli qyzǵan joq. Oblys aýmaǵynda 10 kommýnaldyq jáne 59 jeke jaǵajaı jumys isteıdi. Búgingi kúni 85 sý qoımasy tekserildi.
