Bul sheshim 13-17 maýsym aralyǵynda gıbrıdtik formatynda ótip jatqan «Adam jáne bıosfera» IýNESKO baǵdarlamasynyń Halyqaralyq úılestirý keńesiniń (MAB-HÚK) 34-shi sessııasynda qabyldandy.
Sessııa jumysyna Qazaqstan Respýblıkasynyń IýNESKO jáne ISESKO isteri jónindegi Ulttyq komıssııasy, Qazaqstan Respýblıkasynyń IýNESKO janyndaǵy Turaqty ókildiginiń dıplomattary, «Adam jáne bıosfera» jónindegi ulttyq komıtettiń tóraǵasy Roman Iаshenko jáne onyń orynbasary Vıktorııa Ilına qatysty.
MAB Halyqaralyq saraptamalyq keńesi Qazaqstandyq ulttyq komıteti usynǵan qujattaryn zerdelep, usynylǵan obektilerdiń «Adam jáne bıosfera» IýNESKO baǵdarlamasynyń ólshemderine sáıkestigin baǵalaı otyryp, atalmysh sheshimdi qabyldady.
Búgingi tańda Qazaqstandaǵy IýNESKO bıosferalyq rezervattarynyń ulttyq jelisinde 15 obektisi engizilgen. Ortalyq Azııa elderinde bıosferalyq qoryqtarynyń bul sany eń kóp bolyp tabylady. Árıne, bul álemdik qoǵamdastyqtyń Qazaqstannyń bıologııalyq ártúrliligin saqtaý máselelerine jáne ony bolashaq urpaq úshin saqtaýǵa degen umtylysyna erekshe nazar aýdaratyndyǵyn kórsetedi.
Aıana Toǵanbek
