Onyń tańdaǵan mamandyǵyna adaldyǵy qańtardaǵy oqıǵa kezinde tanyldy. Sol bir qıyn kúnderde aq halatyna daq túsirmeı, kómek suraǵan jannyń bárine qol ushyn sozýǵa umtyldy. О́ıtkeni búlikshilerden zardap shekkender aldymen jedel járdem qyzmetine júgindi.
– Qańtardaǵy qaqtyǵysqa toly oqıǵa barshanyń esinen qapelimde umytyla qoımaıtyn shyǵar. Búlikshiler sarbazdar men polısııa qyzmetkerlerin avtokólikten shyǵaryp alyp, soqqyǵa jyqty. Densaýlyǵyna zaqym keltirdi. Sol kezde olarǵa kúndizgi aýysym-
daǵy feldsherlerimiz kómek kórsetti. Al men kezekshiligimdi keshki aýysymda atqardym. Zardap shekken sarbazdardy medısınalyq kómek kórsetilgennen keıin kazarmaǵa jetkizýdi oıladyq, – deıdi qańtardaǵy oqıǵany esine alǵan Nurlan Salaýatuly.
Biraq ózge túgili jedel járdem brıgadasynyń qyzmetkerlerine kóshede júrý qaýipti edi. Al úıinen jyraqta boryshyn ótep júrgen sarbazdardy kazarmaǵa jibere salý tipten múmkin emes. Sol sebepten, sarbazdarǵa qaýipsizdik úshin jedel járdem qyzmetkeriniń kıimin kıgizip, arnaıy kólikpen jetkizýge sheshim qabyldandy. Sarbazdardy Nurlanmen bir brıgadadaǵy júrgizýshi Talǵat pen feldsher Nurgúl «Vodnıkov» shaǵyn aýdanynda ornalasqan áskerı bólimge jetkizdi.
– Bizdiń mindetimiz – jaraqat alǵan, ne syrqattanǵan ár adamǵa alǵashqy medısınalyq kórsetý. Árıne, sarbazdardy Otandy qorǵaýshy desek te, alaıda bizge olardyń taǵdyryn qorǵaýǵa týra keldi. Qazir sonyń bári jeńil atqarylǵan sııaqty kórinýi múmkin. Biraq óz ómirimizge qaýip týyndasa da mindetimizdi adal atqarýdy ǵana oıladyq. Sol sátte adam taǵdyryna arasha turýdy ǵana maqsat ettik, – dep aǵynan jaryla áńgimeledi feldsher.
Nurlan Salaýatulynyń kindik qany Inder aýdanynda tamǵan. Otbasyndaǵy úsh balanyń biri bolǵanymen, qazir ózi eki uldyń ákesi atanyp otyr. Kezinde esepshi bolǵan ákesi mal sharýashylyǵyn órkendetýdi qolǵa alǵan. Al anasy balabaqshada jumys isteıdi.
– Ájemniń, áke-sheshemniń ulaǵatty áńgimesine qanyq bolyp óstim. Úlkender únemi amandyǵymyzdy tilep, ómirlik baǵyt-baǵdar berip otyrady. Qınalǵan janǵa kómek berýge umtylyp, meıirimdilik tanytsam, sonyń bári – úlkenderdiń tárbıesi. О́ıtkeni medısına salasy mamandarynyń júregi meıirim men qaıyrymǵa toly dep esepteımin. Naýqastyń syrqatyna dári-dármek shıpa bolsa, al janyn jadyratatyn meıirimge eshteńe jetpeıdi, – deıdi kásibine adaldyǵynan taımaǵan N.Salaýatuly.
Feldsher jigit bıylǵy Naýryz merekesi qarsańynda «Shapaǵat» medalimen marapattaldy. Ony oblystyq jedel járdem ujymy memlekettik marapatqa usynǵan. «Elordaǵa kelińiz, Prezıdent sizge marapat tapsyrady» degen jańalyqty estigende, abdyrap qalǵanyn jasyrmaıdy.
– Men mamandyǵymdy Prezıdenttiń qolynan marapat alý úshin tańdaǵan joq edim. Feldsher bolý – júregimniń qalaýy. Jumysymdy múmkindigimshe adal atqarýǵa tyrysamyn. О́ıtkeni syrqattanǵan, túrli qıyndyqqa tap bolyp, jany qınalǵan jandar aldymen jedel járdem qyzmetkerlerinen kómek kútedi. Qańtardaǵy oqıǵa kezinde de solaı boldy. Telefon arqyly habarlasyp, «Sizge Prezıdent memlekettik marapat tapsyrady» degende, kóńilim alaı-dúleı kúıge túskenin jasyrmaımyn. «Memlekettik marapatqa laıyqpyn ba?» degen oıǵa berildim. Elordadaǵy saltanatty is-sharaǵa barǵanda, odan saıyn qobaljyǵanym ras. Bul bálkim memlekettik marapat alýdyń jaýapkershiligin sezingennen bolar. Memleket basshysy «Shapaǵat» medalin taǵyp, «Qutty bolsyn!» dep qolymdy alǵanda, muny men sekildi jas mamanǵa úlken senim, qoldaý retinde uǵyndym, – deıdi kezekti shaqyrtýǵa asyqqan feldsher jigit.
Atyraý oblysy
