Terekti aýdanyna qarasty Aqsýat aýylynda turatyn 30 eńbek ardageri men tyl eńbekkeri 2022 jyldyń ekinshi jartyjyldyǵynda «Egemen Qazaqstan» jáne «Kazahstanskaıa pravda» gazetterin alyp turatyn boldy.
– Jasyratyny joq, gazet-jýrnaldy turaqty jazdyryp alyp, úzbeı oqıtyn – aǵa býyn ata-ájelerimiz ǵoı. Bizdiń aýylda da elimizdiń bas basylymynyń oqyrmany az emes. Qazir júrip jatqan baspasózge jazylý naýqanynda gazet oqyrmandarynyń qatary taǵy 30 adamǵa tolyqty. «Jaıyq Sıtı» kompanııasynyń dırektory Mereke Moldaǵalıev aýyl ardagerleri úshin 20 dana «Egemen Qazaqstan» jáne 10 dana «Kazahstanskaıa pravda» gazetterine jazylyp, poshta qunyn kóterip aldy, – deıdi Aqsýat aýyldyq okrýginiń ákimi Jannur Ahmetov.
Ardagerlerdiń gazetke jazylǵany týraly túbirtekti aýyl basshysy qarııalarǵa ózi taratyp shyqqan. Eńbek ardagerleri Toqtamys Dáýkenov, Talap Ájibaev, Saıyn Idashev, Maıdan Dosaev jáne basqalarynyń rızashylyǵynda shek joq. Olar jomart kásipker Mereke Qonysbaıulyna, osynaý ıgi iske muryndyq bolǵan aýyl basshysy Jannur Bekbaýulyna alǵys aıtýda.
– Bul óte durys bastama eken. Áleýmettik jelilerdi paıdalana bermeıtin ardager qaýym úshin gazet-jýrnaldyń mańyzy erekshe ǵoı. Osyny uıymdastyrǵan balalaryma rahmet, – deıdi eńbek ardageri Saıyn Idashev.
Buryn aýyl ákimdiginde qyzmet etken Saıyn aqsaqal elimizdiń eń basty oqıǵalary, memlekettik saıasattyń basty baǵyttary dál osy bas basylymdarda búkpesiz jazylatynyna senimdi.
Batys Qazaqstan oblysy
