Byltyr ǵana tusaýy kesilgen atalǵan týrnırdiń bıylǵy maýsymynda Qazaqstannyń úsh komandasy óner kórsetedi. Atap aıtqanda, el birinshiliginiń kúmis júldegeri – «Astana», qola júldegeri – «Qaırat» jáne Qazaqstan kýbogynyń ıegeri – «Qyzyljar» klýbtary. ÝEFA-nyń upaı koeffısıentinde Qazaqstan ózge elderge qaraǵanda joǵary orynda turǵandyqtan, qazaqstandyq komandalar Konferensııa lıgasynyń irikteý básekelerin ekinshi kezeńnen bastaıdy.
Jerebe qorytyndysy boıynsha, elordanyń «Astanasy» ekinshi aınalymda Polsha chempıonatynyń kúmis júldegeri «Rakýv» ujymymen kezdesse, Almatynyń «Qaıratyna» Majarstan birinshiliginiń ekinshi oryn ıegeri «Kıshvarda» klýby qarsylas atandy. Al Petropavldyń «Qyzyljary» Horvatııanyń eń úzdik komandalarynyń biri – «Osıekpen» kezdesetin boldy. 21 shildede ótetin alǵashqy matchty «Qaırat» pen «Qyzyljar» Qazaqstanda ótkizse, «Astana» týrnırdi syrt alańdaǵy oıynmen bastaıdy. Qarymta kezdesýler 28 shildege josparlanǵan. Aıta keteıik, Konferensııa lıgasynyń alǵashqy maýsymynda Italııanyń «Roma» klýby jeńimpaz atanǵan bolatyn.
