Ákimdik etnosaıabaq úshin 2 gektar jer telimin bólgen. Jobanyń quny – 280 mln teńge. Kóne ǵasyrlar kúmbirinen syr shertkendeı sáýleti bar etnoparkke kelýshiler qolóner buıymdaryn tamashalaı alady. Altybaqanda terbelip, ulttyq taǵamdar usynatyn «Úıshik» meıramhanasynan dám tatady. Balalarǵa arnalǵan «Qaraýyltóbe» oıyn alańy bar. Al «Mahabbat alańynda» jas jubaılar úshin ulttyq salt-dástúrdi kórsetetin joralǵylar uıymdastyrylady.
– Biz kún saıyn ártúrli is-shara ótkizemiz. Máselen, seısenbini qorshaǵan ortany qorǵaýǵa arnaýdy kózdedik. Bul kúngi ótetin is-sharalar tabıǵattyń tazalyǵyn saqtaýǵa baǵyttalady. Sársenbidegi baǵdarlamanyń barlyǵy balalarǵa arnalady. Beısenbide otandyq taýar óndirýshilerdiń jármeńkesi ótedi. Juma kúni qala turǵyndary men qonaqtary úshin konkýrstar, konserttik baǵdarlamalar usynylady. Senbi – otbasylyq kún, jeksenbi – jastar kúni, – deıdi Gúljan Qozekesheva.
Onyń aıtýynsha, etnoparkte jergilikti qolónershilerge óz taýaryn satýǵa oryn berilmek. Sondaı-aq tórt túlik kórmesin uıymdastyrý josparlanyp otyr.
– Jergilikti kásipkerlermen kelissóz júrgizip jatyrmyz. О́z kásibin jańadan bastaǵandar men jas qolónershilerge qoldaý kórsetemiz. Olar etnosaıabaqta ótetin jármeńkelerge qatysa alady, – deıdi etnopark dırektory.
Atyraý oblysy
