«2025 jylǵa deıin halyqtyń tabysyn arttyrý baǵdarlamasy halyqtyń kirisine tikeleı áser etetin barlyq sebep pen faktorlardy saraptaýdy eskere otyryp ázirlendi. Aıtalyq, eńbek naryǵyna, sonymen qatar kedeıshilik pen jumyssyzdyq deńgeıi boıynsha naqty ahýalǵa, halyqtyń kirisi men shyǵysynyń qurylymyna saraptama júrgizildi. Saraptama nátıjesi kórsetken oń dınamıkaǵa qaramastan, halyqtyń shynaıy kirisiniń ósim qarqyny 2019 jylǵy 6,4%-dan 2021 jyly 5,1%-ǵa deıin baıaýlady», delingen Úkimet basshysynyń jaýabynda.
Premer-Mınıstrdiń buny 2020 jyly ekonomıka ósimi qarqynynyń 2,5%-ǵa tómendeýimen jáne ınflıasııalyq qysymnyń (2020 jyly – 7,5%, 2021 jyly – 8,4%) joǵary bolýymen baılanystyrady.
«Ortasha jáne medıandyq jalaqy arasyndaǵy teńsizdiktiń ósýi jáne aıyrmashylyqtyń 1,5 esege artýy (EYDU elderindegi aıyrmashylyq 1,13 ese) baıqalady. Halyq kirisin árkelki bólý tendensııasy anyqtaldy. Halyqtyń jumys istep tabatyn tabysynyń úlesi sońǵy 10 jylda 10,6%-dyq tarmaqqa (2010 jylǵy 71,3%-dan 2021 jyly 60,7%-ǵa deıin) tómendegen. О́z kezeginde, áleýmettik transfertter úlesi 10%-dyq tarmaqqa (2010 jylǵy 15,3%-dan 2021 jyldyń 3-toqsanynda 25,3%-ǵa deıin) ósti», dep túıindedi Álıhan Smaıylov.
