Mınıstr óz sózinde mektepke deıingi tárbıe máselesine basa nazar aýdardy. Qazaqstandyq balabaqshalarda jańa model engizilýde - balalardy oıyn arqyly tárbıeleý jáne oqytý.
- Orta bilim - mańyzdy deńgeı. О́tken jyly elimizde 277 jańa mektep salyndy. Bala sany artqandyqtan, bul azdyq etti. Jospar boıynsha 2025 jylǵa qaraı kem degende 1 mln oqýshy orny ashylady. Sonymen qatar, biz mektepterde tilderdi birtindep engizýdi kózdeımiz. Memlekettik tildegi mektepter úshin birinshi synypta qazaq tili qosylady, ekinshi synypta orys, al úshinshi synypta aǵylshyn tili qosylady, - dedi Ashat Aımaǵambetov.
Sondaı-aq mınıstr debat oıyndary men «Oqıtyn mektep» jobalary urpaq tárbıesinde mańyzdy ekenin atap ótti.
Kezdesýdiń ekinshi bóliginde mınıstr turǵyndardyń suraqtaryna jaýap berdi. Ata-analar qaýymy ózderin tolǵandyrǵan saýaldaryna jaýap aldy.
