150 magıstrant Qazaqstannyń Qarýly Kúshteriniń ofıserlik korpýsyna qabyldandy. Olardyń 22-si bolashaqta Ulttyq ulanda qyzmet atqarady.
Saltanatty sharaǵa elimizdiń kúsh qurylymdarynyń jáne JOO-nyń basshylyǵy qatysty. Quqyqtyq tártip áskerleriniń túlekterine dıplomdardy Ishki ister mınıstriniń orynbasary – Ulttyq ulannyń Bas qolbasshysy general-maıor Erkin Botaqanov, Ulttyq ulan Bas qolbasshysynyń orynbasary general-maıor Albert Matkarımov, Qorǵanys mınıstrligi Bilim jáne ǵylym departamentiniń bastyǵy general-maıor Jumabek Ahmetov jáne Ulttyq ulan fakýltetiniń bastyǵy polkovnık Marat Batyrov tabys etti.
– Búgin Qarýly Kúshter qatary Qazaqstannyń eń bedeldi áskerı oqý ornynda oqyǵan kásibı daıyndalǵan ofıserlermen tolyqty. Ofıserler standarttan tys sheshimder qabyldaýǵa daıyn joǵary bilikti mamandar ǵana emes, sondaı - aq kúrdeli jaýyngerlik mindetterdi oryndaýǵa, baǵynystylardy ertip, olardyń ómirin saqtap qalýǵa qabiletti, patrıottar antyna adal bolýǵa tıis, - dedi Qorǵanys mınıstri general-polkovnık Rýslan Jaqsylyqov túlekterge arnaǵan sózinde.
Quqyqtyq tártip áskerleriniń 22 áskerı qyzmetshisi «Ulttyq ulandaǵy Menedjment» bilim berý baǵdarlamasy boıynsha tórt biliktilik boıynsha oqytýdan ótti.
Aıta ketsek, Ulttyq ulan fakýltetiniń túlegi maıor Maqsat Muqaev oqý barysynda eń kóp ball jınady.
