Aqparat jáne qoǵamdyq damý mınıstrligi Aqparat komıtetiniń tóraǵasy Qanat Ysqaqov Ázerbaıjan Respýblıkasy Medıa damý agenttiginiń Bas dırektory Ahmed Ismaılovpen kezdesip, taraptar aqparat salasyndaǵy yntymaqtastyqty odan ári damytý máselelerin sóz etti.
Atap aıtqanda, Ázerbaıjan aýmaǵynda qazaqstandyq telearnalardy kórsetý, balalar anımasııalyq kontentin dıstrıbýsııalaý jáne almasý, sondaı-aq birlesken medıa jobalardy iske asyrý múmkindigi qarastyryldy. Kezdesý qorytyndysynda taraptar talqylanǵan jobalardy iske asyrý boıynsha birlesken jumys tobyn qurýǵa kelisti.
Qazaqstan ókili Ázerbaıjan tarapyn Orta Azııanyń medıa salasyndaǵy eń iri is-shara – Astana Media Week-ke qatysýǵa shaqyrdy.
Aıta ketsek, IX Jahandyq Baký Forýmynda kovıd pandemııasynan keıingi geosaıası landshaftty qalyptastyrý, SOVID-19-dyń orta bilim men bolashaqqa áseri, klımattyq qubylystar, ǵylym, tehnologııa jáne ınnovasııa, sondaı-aq ekonomıkanyń jahandyq qaıta qurylýy jáne basqa da máseleler talqylanady.
