Úzdik mamandar marapattaldy

Bıyl oblystaǵy «Úzdik sta­sıonar úzdik dárigeri» atalymy boıynsha ozyp shyqqan Almaty aımaqtyq balalar klınıkalyq aýrýhanasynyń dárigeri Ramıl Qarasaev oblys ákiminiń qolynan arnaıy dıplom jáne 7 mln teńgeniń sertıfıkatyn aldy. Al Ile ortalyq aýdandyq aýrýhanasynyń áleý­mettik qyzmetkeri Juldyz Qul­manova «Úzdik áleýmettik qyzmetker» atanyp, oǵan 1 mln teńgeniń sertıfıkaty beril­di. Sondaı-aq osy Ile aýda­nyn­daǵy KazSık aýylynyń dá­rigerlik ambý­latorııasy «Úzdik dárigerlik ambýlatorııa» retinde anyqtalyp, bólimsheniń meńgerýshisi Tolqyn Sadaq­baevaǵa arnaıy dıplom jáne 1 mln 800 myń teńgenin sertıfıkaty tapsyryldy.

Jıynda aımaqtaǵy aq je­leń­di abzal jandardyń taǵy bir tobyna Densaýlyq saqtaý mınıstrliginiń «Densaýlyq saqtaý isine qosqan úlesi úshin» tósbelgisi, «Eńbek ardageri» medali, Almaty oblysy ákiminiń Qurmet gramotasy, Alǵys haty berilip, qurmet kórsetildi.

– Adam janyna arashashy bolýdyń jaýapkershiligi men mańyzyn qoǵam árqashan  joǵary baǵalaıdy. Dárigerge degen qurmet eshqashan ortaımaıdy. Medısına qyzmetkerleriniń pandemııa kezindegi erlikke bergisiz eńbegine bas ıemiz. Son­dyq­tan da, kásibı mereke qarsańynda medısına qyzmet­kerlerin quttyqtap, úzdik dári­ger­lerge arnaıy marapat tapsyrýdy paryzymyz dep bilemiz. Memleket óz tarapynan medısına salasyn qoldaýdyń ozyq úlgisin kórsetip keledi. Bul ret­te Almaty oblysynda da aıta­rlyqtaı jumys istelýde, – dedi jıynda oblys ákimi Marat Sultanǵazıev.

Almaty oblysy