Eki el prezıdentteri Qasym-Jomart Toqaev pen Ibrahım Raısıdiń keńeıtilgen quramdaǵy kelissóziniń mańyzdy nátıjesiniń biri — aýyl sharýashylyǵy ónimderiniń saýdasy men tranzıtinde Qazaqstan-Iran yntymaqtastyǵy týraly memorandýmǵa qol qoıýy boldy.
Qujatqa Qazaqstan tarapynan QR Indýstrııa jáne ınfraqurylymdyq damý mınıstri Qaıyrbek О́skenbaev pen AShM basshysy Erbol Qarashókeev qol qoıdy. Memorandýmǵa sáıkes Iran Qazaqstan bıdaıy men basqa da aýyl sharýashylyǵy taýarlarynyń erkin tranzıtin óz aýmaǵy arqyly qosymsha bajdar men alymdarsyz qamtamasyz etedi.
Taraptar SVOP operasııalary boıynsha Qazaqstanda óndirilgen bıdaıdy Iranǵa ákelýdi jáne osyndaı mólsherdegi bıdaıdy Irannyń shyǵý shekaralarynan áketýdi yntalandyrady. Aýyl sharýashylyǵy ónimderin jetkizýge baılanysty máselelerdi sheshý úshin birlesken jumys tobyn qurý josparlanǵan.
QR IIDM men Iran Islam Respýblıkasynyń Jol jáne qalalyq damý mınıstrligi ońtaıly jyldamdyq pen baǵany saqtaı otyryp, taýarlardyń tranzıtin qamtamasyz etý úshin úshinshi elderdiń tıisti organdarymen baılanys ornatýǵa kelisti.
Memorandým qol qoıylǵan kúni kúshine endi.
