Osy másele boıynsha negizgi baıandamany QR Premer-Mınıstriniń orynbasary – Qarjy mınıstri Erulan Jamaýbaev jasady.
2021 jyly JIО́ ósimi 4%-dy qurady. Ekonomıkanyń barlyq bazalyq salalarynda oń nátıjege qol jetkizildi. О́nerkásip óndirisiniń kólemi 3,8%-ǵa, qurylys salasy – 7,6%-ǵa, kólik - 3,6%-ǵa, saýda-9,2%-ǵa ósti. Negizgi kapıtalǵa salynǵan ınvestısııalar kólemi 3,5%-ǵa ulǵaıdy. Inflıasııa deńgeıi 8,4%-dy qurady (nysanaly dáliz 4-6%-dan asty). Jumyssyzdyq 4,9% deńgeıinde saqtaldy.
Erulan Jamaýbaevtyń aıtýynsha, respýblıkalyq bıýdjettiń negizgi parametrleri oryndaldy. Túsimder 100,8% oryndaýmen 12,7 trln teńgeni qurady. Shyǵystar 99,2%-ǵa ıgerildi jáne 15,2 trln teńgeni qurady. Bıýdjet tapshylyǵy JIО́-ge qatysty 3,1%-dy qurady.
«Jalpy, memleket óziniń áleýmettik jáne basqa da mindettemelerin tolyq kólemde oryndady», dedi Erulan Jamaýbaev.
