«Amerıka Qurama Shtattary QR Prezıdenti Qasym-Jomart Toqaevtyń saıası jańǵyrý jáne adam quqyqtaryn qorǵaý júıesin jetildirý jónindegi reformalaryn tolyq qoldaıdy. Sondaı-aq 5 maýsymda ótken referendýmdy osy baǵytty ilgerletýdegi kezekti qadam retinde baǵalaıdy. Biz Qazaqstanǵa memlekettik basqarý júıesin demokratııalandyrýdyń, ashyq jáne halyq únine qulaq asatyn ınstıtýttar qurýdyń, sondaı-aq derbes azamattyq qoǵammen birlesip adam quqyqtaryn qorǵaý salasyn kúsheıtý úshin kómektesýge daıynbyz», delingen AQSh Memlekettik hatshysynyń Azamattyq qaýipsizdik, demokratııa jáne adam quqyqtary jónindegi orynbasary Ýzra Zeıan joldaǵan hatta.
Ýzra Zeıan hatty QR Prezıdentiniń Halyqaralyq yntymaqtastyq jónindegi arnaıy ókili Erjan Qazyhanǵa joldaǵan.
Qujatta AQSh demokratııalyq, jaýapty jáne esep beretin memlekettik basqarý jolyndaǵy dıalogty jalǵastyrýǵa tilektestik bildirgen.
